Hugh Lane

Hugh Lane
Portret van Hugh Lane deur John Singer Sargent in 1906
Gebore	Hugh Percy Lane (1875-11-09)9 November 1875 County Cork, Ierland
Sterf	7 Mei 1915 (op 39) RMS Lusitania, Atlantiese Oseaan
Nasionaliteit	Verenigde Koninkryk
Beroep	kunstenaar

Sir Hugh Lane
Skildery deur Antonio Mancini, 1913, olie op doek

Sir Hugh Percy Lane (* 9 November 1875; † 7 Mei 1915) was 'n Ierse kunshandelaar, -versamelaar en galerydirekteur wat veral bekendstaan as die stigter van Dublin se munisipale kunsmuseum, die Municipal Gallery of Modern Art (die eerste bekende openbare kunsgalery ter wêreld wat aan moderne kuns gewy is) en sy bydrae tot die bevordering van visuele kunste in Ierland, insluitende die Lane Bequest. In Suid-Afrika was hy naas Florence Phillips een van die twee sleutelfigure in die totstandkoming van die Johannesburgse Kunsmuseum.^[1] Vir sowel die Goudstad se kunsmuseum asook die Michaelis-versameling te Kaapstad het Lane die oorspronklike kunsversamelings opgebou.

Hugh Lane is aan boord van die passasierskip RMS Lusitania oorlede nadat dit op 7 Mei 1915 deur 'n Duitse torpedo getref is en vergaan het.^[2]

Verwysings

1. Art Throb - Contemporary Art in South Africa: Johannesburg Art Gallery. Besoek op 1 Mei 2016
2. "www.hughlane.ie: Hugh Lane (1875–1915)". Geargiveer vanaf die oorspronklike op 2 Mei 2016. Besoek op 1 Mei 2016.

Eksterne skakels

• Wikimedia Commons het meer media in die kategorie Hugh Lane.