Hurricanes (Superrugbyspan)
| Hurricanes | ||||
| ||||
| Bynaam(e) | ’Canes | |||
| Stigting | 1996 | |||
| Ligging | Wellington, Nieu-Seeland | |||
| Streek | Ooskus, Poverty Bay, Hawke’s Bay, Taranaki, Wanganui, Manawatu, Wairarapa-Bush, Horowhenua-Kapiti, Wellington | |||
| Stadion | Westpacstadion | |||
| Kapasiteit | 34 500[1] | |||
| Afrigter(s) | Chris Boyd | |||
| Kaptein(s) | Dane Coles | |||
| Liga(s) | Superrugby | |||
| 2018 | Halfeindrondte (4de na rondomtalie) | |||
          Tuiskleure
|
     Weg kleure
| |||
Statistiek
| ||||
|---|---|---|---|---|
| Meeste wedstryde | 126 Conrad Smith 126 Ma’a Nonu | |||
| Meeste punte | 690 Beauden Barrett | |||
| Eerste wedstryd | ||||
| Wellington Hurricanes 28 – 36 Auckland Blues (1 Maart 1996) | ||||
| Grootste oorwinning | ||||
| Sunwolves 17 – 83 Hurricanes (25 Februarie 2017) | ||||
| Grootste nederlaag | ||||
| Hurricanes 7 – 60 Blues (22 Februarie 2002) | ||||
| Amptelike webwerf | ||||
| www.hurricanes.co.nz | ||||
Die Hurricanes (voorheen bekend as die Wellington Hurricanes) is ’n Nieu-Seelandse rugbyspan wat sedert 1996 as ’n konsessie aan die Super 14 deelneem. Die konsessie sluit die Ooskus, Poverty Bay, Hawke’s Bay, Taranaki, Wanganui, Manawatu, Wairarapa-Bush, Horowhenua-Kapiti en Wellington in. Die spelers van Hawke’s Bay, Manawatu, Taranaki en Wellington neem ook aan die Air New Zealand-beker deel terwyl spelers van die Ooskus, Horowhenua-Kapiti, Poverty Bay, Wairarapa-Bush en Wanganui aan die Heartland-kampioenskap deelneem. Hulle meeste tuiswedstryde word op Westpacstadion in Wellington gespeel.[2][3] Die huidige kaptein van die span is Andrew Hore.
Geskiedenis
[wysig | wysig bron]Vroeë jare: 1996–1997
[wysig | wysig bron]Die konsessie is in 1996 gestig om die neder-Noord Eiland in die Super 12-toernooi te verteenwoordig as een van vyf Nieu-Seelandse spanne en is aanvanklik die Wellington Hurricanes genoem. Met ’n gebied wat 920,000 mense dek was die Hurricanes die grootste van die Nieu-Seelandse konsessies.[4] Die eerste afrigter van die span was Frank Oliver en Mark "Bull" Allen was die eerste kaptein. Die Hurricanes se eerste wedstryd is teen die Auckland Blues gespeel op die Skougronde in Palmerston-Noord. Die Hurricanes het hierdie wedstryd verloor. In die eerste jaar van die kompetisie het die Hurricanes nie so goed soos verwag is, gevaar nie en het negende geëindig. In 1997 het hulle egter die uitspeelrondes gehaal maar in die halfeindronde teen die ACT Brumbies vasgeval.
1998–2002
[wysig | wysig bron]Na die 1997-seisoen kon die Hurricanes eers weer in 2003 tot die uitspeelrondes vorder. Ten spyte hiervan was hulle deurentyds bekend vir die aanvallende aard van hulle spel met die All Blacks Tana Umaga en Christian Cullen aan die spits van sake. Die span kon nie daarin slaag om konsekwente goeie vertonings te lewer nie.
Na die Rugbywêreldbeker 1999 het Jonah Lomu se kontrak met die NZRU verstryk en is hy gekoppel aan baie klubs regoor die wêreld; waaronder rugbyleague en die Amerikaanse Voetbalspan, die Dallas Cowboys[5] Op 23 November 1999 is egter aangekondig dat Lomu ingestem het tot die terme van die Wellington Rugbyvoetbalunie ten spyte van gerugte van ’n kontrak met Bristol van ₤1,1 miljoen.[5][6] Die skuif na Wellington het beteken dat hy beskikbaar sou wees vir die Hurricanes.
Die Hurricanes het die 2000-seisoen met ’n nuwe stadion geopen. Die hoogtepunt in daardie seisoen was die oorwinning oor die uiteindelike kampioene, die Crusaders in die rondomtaliewedstryde met 41 – 29. Aan die einde van die seisoen het die Hurricanes steeds ’n kans gehad om die uitspeelrondes te haal waarvoor hulle die Bulls moes klop om in aanmerking te bly. Hulle kon nie die Bulls wen nie en het die seisoen op ’n teleurstellende agtste plek afgesluit.
Alhoewel die Wellington Lions die 2000-seisoen van die Nasionale Provinsiale Kampioenskap (NPC) gewen het,[7] het die Hurricanes slegs negende op die punteleër geëindig in 2001. Na ’n agtste plek in 2000 en nog ’n negende plek in 2002 het Graham Mourie, die afrigter sedert 2000, bedank.[8]
Nuwe era: 2003–huidig
[wysig | wysig bron]
Ten spyte van berigte dat Colin Cooper, toe hulpafrigter van die Crusaders, gesê het hy is nog nie gereed om die Crusaders te verlaat nie[9] was die Huricanes in staat om Cooper (toe hoofafrigter van Taranaki) weg te lok van die kampioene af en hy is aangestel as die hoofafrigter van die Hurricanes vir 2003.
Cooper, met bystand van die nuut-aangestelde kaptein Tana Umaga, het gehelp om die inkonsekwente Hurricanes in een van die top spanne in die kompetisie te omvorm.[10] In 2003 het ’n nuwe era vir die Hurricanes aangebreek toe hulle na die halfeindronde deurgerding het na ’n goeie vertoning van sewe seges in ’n ry in die middel van die seisoen.[11] In daardie seisoen het Ma’a Nonu na vore getree en hy en Umaga het goed saamgespeel as senterpaar. Nonuhet ses drieë gedruk en is uiteindelik beloon met ’n plek in die All Black-span.[12]
Vir die 2004-seisoen is Jonah Lomu uit die span gelaat weens ’n kwaadaardige siekte wat gelei het tot ’n nieroorplanting. Die seisoen was teleurstellend vir die Hurricanes nadat hulle elfde op die punteleër geëindig het. Die meeste van die spelers is egter opgeneem in die span vir 2005[13] en die Hurricanes het in daardie jaar weer tot die uitspeelrondes gevorder. Hulle het teen die Crusaders in Christchurch verloor met 47 – 7. Jimmy Goperth, voormalige losskakel vir die Nieu-Seeland Colts het in daardie seisoen 139 punte aangeteken[14] en hy is beskou as ’n gepaste opvolger vir David Holwell wat op pad na Ierland was.[15] Aan die einde van die seisoen het die Hurricanes die dienste van die Australiese spelskepper, Brock James, wat in die vorige seisoen vir Taranaki en die Blues uitgeblink het,[16] probeer bekom. Luke McAlister het ook te kenne gegee dat hy in Wellington sal wil speel,[17] en die Hurricanes het probeer om Andrew Merhtens na Wellington te lok maar was nie suksesvol nie.
In 2006 is die kompetisie uitgebrei na 14 spanne met die toevoeging van die Western Force van Australië en die Cheetahs van Suid-Afrika. Rodney So’oialo is aangewys as nuwe kaptein van die Hurricanes nadat Umaga gesê het hy wil op sy spel konsentreer.[18] Die span van Wellington het weer goed gespeel en weer deurgedring na die uitspeelrondes. Hierdie keer het hulle Waratahs in Wellington met 16 – 14 in die halfeindronde geklop. Hulle is na Christchurch vir die eindstryd. Die wedstryd is in swaar mistige toestande, wat dit moeilik gemaak het vir die spelers gespeel, gespeel en die Crusaders het met 19 – 12 gewen.[19] Na afloop van die wedstryd het ’n insident in ’n nagklub waarby ’n handsak, Chris Masoe en Tana Umaga betrokke was, ’n herrie in die media veroorsaak.
2007 was nie ’n goeie seisoen vir die Hurricanes nie en hulle kon slegs ses wedstryde wen was ’n agtste plek op die punteleër tot gevolg gehad het. In 2008 is egter baie verbeter en die Hurricanes het vir die vyfde keer tot die uitspeelrondes deurgedring nadat hulle vierde op die punteleër geëindig het. Hulle is egter deur die Crusaders met 33 – 22 geklop. In 2009 het hulle selfs nog beter gevaar en was aan die einde van die rondomtalietoernooi in die derde plek. Hulle het egter hierdie keer teen die Chiefs verloor met 14 – 10.
Konsessiegebied
[wysig | wysig bron]
Die konsessie verteenwoordig die Ooskus-, Poverty Bay-, Hawke’s Bay-, Taranaki-. Wanganui-, Manawatu-, Wairarapa-Bush-, Horowhenua-Kapiti- en Wellington provinsiale rugbyunies. Hierdie gebied maak die Hurricanes die tweede grootste Nieu-Seelandse konsessie met verteenwoordiging van 920,000 mense.[4]
Soos al die Nieu-Seelandse Super 14-spanne kan die Hurricanes elke seisoen 24 ven sy eie spelers teen kontraktering deur ander unies/konsessies beskerm. Spelers wat nie beskerm is nie kan deur enige van die ander vier konsessies gekontak word.
Stadion
[wysig | wysig bron]Die Hurricanes speel die meeste van hulle wedstryde op die Westpacstadion (met sitplek vir 34,500 mense), in Wellington se Waterfront. Die stadion staan in volksmond bekend as die "Koekblik" weens die vorm daarvan. Die stadion is in 2000 geopen om die span se vorige basis, Athletic Park, te vervang. Yarrow-stadion (voorheen bekend as Rugby Park) in Nieu-Plymouth, die FMG-stadion (voorheen die Skougronde) in Palmerston North en McLean Park in Napier het ook al wedstryde van die Hurricanes aangebied.
In die aanvangsjare van die kompetisie het die Hurricanes een, soms twee keer op ’n ander stadion as die een in Wellington gespeel afhangende van hoeveel tuiswedstryde hulle per jaar gehad het. Hierdie beleid is verkelkom aangesien die Hurricanes so ’n groot geografiese area dek. Meer onlangs het die Hurricanes egter selde op ’n ander plek as Wellington gespeel omdat die stadion in Wellington dikwels voller was as wanneer die Hurricanes elders gespeel het. Dit het ’n negatiewe impak op die Hurricanes se finansies gehad ten spyte van die uitbreiding van die kompetisie. Die span se kleure is geel en swart (dit verteenwoordig die kleure van Wellington en Taranaki wat aanvanklik die twee groot unies in die konsessie was), met klein afwerkings in donker blou en wit sodat die ander unies ook verteenwoordig kan word (swart en wit vir Hawke’s Bay, blou en wit vir Horowhenue-Kapiti, blou vir Wanganui en wit vir Manawatu (saam met groen)).
Seisoenbepalings
[wysig | wysig bron]Super 12
[wysig | wysig bron]Die volgende tabel som die Highlanders se Super 12-uitslae op:[20]
Seisoen Pos Gespeel Gewen Gelyk Verloor Punte vir Punte teen +/- BP Pte Notas 1996 9de 11 3 0 8 290 353 -63 5 17 1997 3de 11 6 0 5 416 314 102 10 34 Verloor in halfeindrondte teen ACT Brumbies 1998 8ste 11 5 0 6 313 342 -29 6 26 1999 10de 11 4 1 6 213 226 -13 4 22 2000 8ste 11 6 0 5 308 329 -21 5 29 2001 9de 11 5 0 6 291 316 -25 5 25 2002 9de 11 5 0 6 232 317 -85 3 23 2003 3de 11 7 0 4 324 284 40 7 35 Verloor in halfeindrondte teen Crusaders 2004 11de 11 4 1 6 275 303 -28 5 23 2005 4de 11 8 0 3 283 248 35 2 34 Verloor in halfeindrondte teen Crusaders
Super 14
[wysig | wysig bron]Die volgende tabel som die Hurricanes se Super 14-uitslae op:[20]
Seisoen Pos Gespeel Gewen Gelyk Verloor Punte vir Punte teen +/- BP Pte Notas 2006 2de 13 10 0 3 328 266 102 7 47 Verloor in eindrondte teen Crusaders 2007 8ste 13 6 0 7 247 300 -53 3 27 2008 4de 13 8 1 4 310 204 106 7 41 Verloor in halfeindrondte teen Crusaders 2009 3de 13 9 0 4 380 279 101 8 41 Verloor in halfeindrondte teen Chiefs 2010 8ste 13 7 1 5 358 323 35 7 37
SupeRugby
[wysig | wysig bron]Die volgende tabel som die Hurricanes se Superrugby-uitslae op:
Seisoen Pos Gespeel Gewen Gelyk Verloor Punte vir Punte teen +/- BP1 Pte Notas 2011 9de 16 5 2 9 328 398 -70 10 42 2012 8ste 16 10 0 6 489 429 +60 9 57 2013 11de 16 6 0 10 386 457 −71 9 41 2014 7de 16 8 0 8 439 374 +65 9 41 2015 1ste 16 14 0 2 458 288 +170 10 66 Verloor teen Highlanders in eindrondte
1 Punte toegeken vir ’n loslootjie is nie hierby ingereken nie.
Die volgende tabel som die Hurricanes se Superrugby-uitslae vir die uitgebreide toernooi van agtien spanne op:
Seisoen Pos Alg Pos Groep Gespeel Gewen Gelyk Verloor Punte vir Punte teen +/− BP1 Pte Notas 2016 1ste 1ste 15 11 0 4 458 314 +144 9 53 Algehele wenner (teen Lions) 2017 5de 3de 15 12 0 3 596 272 +324 10 58 Verloor teen Lions in halfeindrondte
Huidige span
[wysig | wysig bron]Hurricanes 2016 Superrugbyspan
|
Stutte Hakers Slotte |
Losvoorspelers
Skrumskakels Losskakels |
Senters Vleuels Heelagters |
Afrigters
[wysig | wysig bron]- Frank Oliver – 1996 tot 1999
- Graham Mourie – 2000 tot 2002
- Colin Cooper – 2003 tot 2010
- Mark Hammett – 2011 tot 2014
- Chris Boyd – 2015 tot huidig
Sien ook
[wysig | wysig bron]- Wellington Rugbyvoetbalunie
Notas en verwysings
[wysig | wysig bron]- ↑ "Information-Facts & Figures" (in Engels). westpactruststadium.co.nz. Geargiveer vanaf die oorspronklike op 10 Mei 2015. Besoek op 3 November 2008.
{{cite web}}: Onbekende parameter|dateformat=geïgnoreer (hulp) - ↑ (en) "Locations – Westpac Stadium". Wotzon.com. Geargiveer vanaf die oorspronklike op 12 Februarie 2013. Besoek op 20 April 2007.
{{cite web}}: Onbekende parameter|dateformat=geïgnoreer (hulp) - ↑ Amie Mills. "Cake Tin lacks a certain build-up to the game?" (in Engels). Victoria University of Wellington. Geargiveer vanaf die oorspronklike op 8 Junie 2007. Besoek op 20 April 2007.
{{cite web}}: Onbekende parameter|dateformat=geïgnoreer (hulp) - ↑ 4,0 4,1 "History of the Hurricanes" (in Engels). hurricanes.co.nz. Geargiveer vanaf die oorspronklike op 14 Junie 2010. Besoek op 25 Maart 2010.
- ↑ 5,0 5,1 "Chase On for All Black Lomu" (in Engels). bbc.co.uk. 6 November 1999. Geargiveer vanaf die oorspronklike op 9 Oktober 2019. Besoek op 21 Desember 2006.
- ↑ "Lomu joins Hurricanes" (in Engels). bbc.co.uk. 23 November 1999. Geargiveer vanaf die oorspronklike op 9 Oktober 2019. Besoek op 21 Desember 2006.
- ↑ (en) "NPC Magic-Season Review 2000". haka.co.nz. Geargiveer vanaf die oorspronklike op 11 Februarie 2012. Besoek op 21 Desember 2006.
- ↑ "Mourie quits Hurricanes" (in Engels). bbc.co.uk. 26 Junie 2002. Geargiveer vanaf die oorspronklike op 9 Oktober 2019. Besoek op 21 Desember 2006.
- ↑ (en) "No Tuf-Of-War over Cooper says NZRFU". rugby.com.au. Geargiveer vanaf die oorspronklike op 18 Maart 2008. Besoek op 21 Desember 2006.
{{cite web}}: Onbekende parameter|dateformat=geïgnoreer (hulp) - ↑ "Hurricanes ride high in rankings" (in Engels). thefanatics.com. Geargiveer vanaf die oorspronklike op 9 Oktober 2019. Besoek op 21 Desember 2006.
{{cite web}}: Onbekende parameter|dateformat=geïgnoreer (hulp) - ↑ "short hurricanes history" (in Engels). hurricanes@everything.com. Geargiveer vanaf die oorspronklike op 3 November 2012. Besoek op 20 Desember 2006.
{{cite web}}: Onbekende parameter|dateformat=geïgnoreer (hulp) - ↑ (en) "Season Stats 2003". hurricanes.co.nz. Besoek op 21 Desember 2006.
{{cite web}}: Onbekende parameter|dateformat=geïgnoreer (hulp) - ↑ (en) "Consistency Of Selection in Hurricanes Squad". allblacks.com. Besoek op 20 Desember 2006.
{{cite web}}: Onbekende parameter|dateformat=geïgnoreer (hulp) - ↑ "Season Stats 2005". hurricanes.co.nz. Besoek op 20 Desember 2006.
{{cite web}}: Onbekende parameter|dateformat=geïgnoreer (hulp) - ↑ "Holwell heads to Leinster" (in Engels). ercrugby.com. Geargiveer vanaf die oorspronklike op 19 Maart 2008. Besoek op 20 Desember 2006.
{{cite web}}: Onbekende parameter|dateformat=geïgnoreer (hulp) - ↑ "Brock James knocked back from Hurricanes" (in Engels). rugby.com.au. Geargiveer vanaf die oorspronklike op 4 Maart 2016. Besoek op 20 Desember 2006.
{{cite web}}: Onbekende parameter|dateformat=geïgnoreer (hulp) - ↑ (en) "McAlister wants to be a Hurricane". allblacks.com. Besoek op 20 Desember 2006.
{{cite web}}: Onbekende parameter|dateformat=geïgnoreer (hulp) - ↑ (en) "New Hurricanes Captain". hurricanes.co.nz. Besoek op 21 Desember 2006.
{{cite web}}: Onbekende parameter|dateformat=geïgnoreer (hulp) - ↑ (en) "Crusaders win eerie Super 14 tournament". planetrugby.com. Besoek op 20 Desember 2006.
{{cite web}}: Onbekende parameter|dateformat=geïgnoreer (hulp)[dooie skakel] - ↑ 20,0 20,1 "Superrugby Spanbesonderhede (Hurricanes)" (in Engels). Lassen Creative Technologies Ltd. Geargiveer vanaf die oorspronklike op 2 November 2019. Besoek op 23 Maart 2010.
Eksterne skakels
[wysig | wysig bron] |
Wikimedia Commons bevat media in verband met Hurricanes (Superrugbyspan). |