Igbo (volk)

Igbo

Totale bevolking: ca. 32 miljoen
Belangrike bevolkings  in: Vlag van Nigerië Nigerië 32 miljoen[1]
Taal: Igbo • Engels
Geloofsoortuiging: Hoofsaaklik Christendom, soms gemeng met die inheemse Igbo-godsdiens en geloofstelsels
Verwante etniese groepe: ander Cross-River-groepe van Suidoos-Nigerië (Ibibio, Efik, Annang, Ogoni); met meer afstand die Yeai-groep binne Volta-Niger.
Ligging van die Igboland in Nigerië
Die vlag van die Republiek van Biafra (1967–1970) word soms as die etniese vlag van die Igbo beskou.[2]

Die Igbo (luister (hulp·inligting) Igbo: Ṇ́dị́ Ìgbò, letterlik: "Igbo-volk"), dikwels Ibo gespel en uitgespreek,[3] is 'n etniese groep inheems aan Suid-Nigerië wat aan die laer Nigerrivier leef.[4] Die etniese groep omvat sowat 32 miljoen mense en hulle praat Igbo as moedertaal en Engels as tweede taal.[5][6] Dit is saam met die Hausa en die Joroeba een van die grootste etniese groepe in beide Nigerië en Wes-Afrika.[7]

As gevolg van migrasie en die slawehandel is baie Igbo na Europese kolonies in die Amerikas en ander lande van Afrika gebring. Tydens die Britse koloniale heerskap is die meeste Igbo tot die Christendom bekeer. Chinua Achebe se Things Fall Apart is een van die mees bekende boeke wat oor die Igbo, hul kultuur en veranderinge onder kolonialisme handel.

Na Nigerië se onafhanklikheid het sekere konflikte met ander etniese groepe tot die Nigeriese Burgeroorlog (1967–1970) gelei, waartydens die kortstondige republieke Benin en Biafra uitgeroep is. Na die Nigeriese oorwinning is albei republieke weer by Nigerië ingelyf.[8] Sedert 1999 veg die separatistiese beweging MASSOB vir die herstigting van 'n onafhanklike Igbo-staat.[9]

Verwysings

[wysig | wysig bron]
  1. ↑ (en) Nigeria Geargiveer 31 Augustus 2020 op Wayback Machine at CIA World Factbook: "Igbo 18%" out of a population of 177 million (2014 estimate)
  2. ↑ (en) Minahan, James (2002). Encyclopedia of the Stateless Nations: S-Z. Greenwood Publishing Group. p. 762. ISBN 0-313-32384-4.
  3. ↑ (en) Isichei, Elizabeth (1978). Igbo Worlds. Institute for the Study of Human Issues.
  4. ↑ (en) Chigere, Nkem Hyginus (2000). Foreign Missionary Background and Indigenous Evangelization in Igboland: Igboland and The Igbo People of Nigeria. Transaction Publishers, USA. p. 17. ISBN 3-8258-4964-3. Besoek op 17 Januarie 2016.
  5. ↑ (en) Fardon, Richard; Furniss, Graham (1994). African languages, development and the state. Routledge. p. 66. ISBN 0-415-09476-3. Besoek op 12 April 2009.
  6. ↑ (en) Ogbaa, Kalu (1999). "Cultural Harmony I: Igboland – the World of Man and the World of Spirits". Understanding Things Fall Apart. Greenwood Publishing. p. 106. ISBN 0-313-30294-4.
  7. ↑ (en) Williams, Lizzie (2008). Nigeria: The Bradt Travel Guide. Bradt Travel Guides. p. 32. ISBN 1-84162-239-7.
  8. ↑ (en) Forsythe, Frederick (2006). Shadows: Airlift and Airwar in Biafra and Nigeria 1967–1970. p. 1. ISBN 1-902109-63-5.
  9. ↑ (en) Adekson, Adedayo Oluwakayode (2004). The "civil society" problematique: deconstructing civility and southern Nigeria's ethnic radicalization. Routledge. pp. 87, 96. ISBN 0-415-94785-5.

Eksterne skakels

[wysig | wysig bron]