Irannese volke

Irannese volke

Totale bevolking: 210–235 miljoen
Belangrike bevolkings  in: Hoofsaaklik in Iran, Suid-Ossetië (de facto), Afghanistan, Turkye, Tadjikistan, Irak, Sirië, Pakistan asook in Georgië, Rusland, Azerbeidjan, Bahrein, Oman, Koeweit, Oesbekistan, Turkmenistan, Hongarye, Kasakstan, Armenië, Israel, Volksrepubliek China (Xinjiang), Verenigde Koninkryk, Frankryk, Nederland, Swede, Indië, Duitsland, Meksiko, Argentinië, Brasilië, Kanada en die Verenigde State
Taal: Irannese tale soos Beloetsji, Koerdies, Osseties, Pasjtoe, Persies en Tadjiks
Geloofsoortuiging: Hoofsaaklik Soennitiese Islam (insluitende Soefisme, Sjiitiese Islam, ongebonde, Agnostisisme, Christendom (Oosters-Ortodokse Kerk, Protestantisme en Rooms-Katolieke Kerk), Ateïsme, Zoroastrisme, Judaïsme, Baha’i, Paganisme, Jesiede
Verwante etniese groepe: Etniese groepe soos Beloetsje, Hasara, Jesiede, Koerde, Ossetiërs, Pasjtoene, Perse en Tadjiks

Die Irannese volke is 'n Indo-Europese etnolinguistiese groep wat die sprekers van die Irannese tale behels.[1] Hulle is inheems aan die Irannese hoogland tussen die Eufraat-Tigrisrivier in die weste, die Kaukasus in die noordweste, die Kaspiese See en Sentraal-Asië in die noorde, die Indus in die ooste en die Persiese Golf in die suide met lande soos Iran, Afghanistan, Pakistan en Tadjikistan. Die verspreiding van beide die Irannese volke en Irannese tale het met die uitbreiding van die Persiese Ryk gepaard gegaan.

Die verspreiding van moderne Irannese tale. Die vier grootste tale in dié taalfamilie is:

   Persies of Farsi

   Pasjtoe

   Beloetsji

   Koerdies

Die grootste etniese groepe (volgens bevolking) is: Perse (90 miljoen), Pasjtoene (49 miljoen), Koerde (30–32 miljoen), Tadjiks (16–20 miljoen), Beloetsje (10 miljoen) en Hasara (7–8 miljoen). Hulle praat Irannese tale soos Persies (57 miljoen), Pasjtoe (ca. 50 miljoen), Koerdies (30 miljoen), Dari (ca. 12,5 miljoen), Tadjiks (ca. 8 miljoen), Beloetsji (5 miljoen) of Zazaki (2–4 miljoen) as moedertaal.

Verwysings

[wysig | wysig bron]
  1. ↑ (en) "IRAN vi. IRANIAN LANGUAGES AND SCRIPTS". Encyclopædia Iranica. Geargiveer vanaf die oorspronklike op 23 April 2020. Besoek op 2 Februarie 2019.

Eksterne skakels

[wysig | wysig bron]