István Thomán
István Thomán | |
|---|---|
 István Thomán in 1932. | |
| Agtergrondinligting | |
| Genres | Klassieke musiek |
| Beroep(e) | Pianis |
| Instrumente | Klavier |
István Thomán (Hongaars: ˈiʃtvaːn ˈtomaːn; 4 November 1862 - 22 September 1940) was 'n Hongaarse klaviervirtuoos en musiekonderwyser. Hy was 'n gerekende klavieronderwyser, met studente soos Béla Bartók, Ernő Dohnányi en Georges Cziffra. Sy ses-vilume Tegniek van Klavierspeel is vandag steeds in gebruik.[1]
Vroeë lewe en opvoeding
[wysig | wysig bron]Thomán is in 1862 gebore in Humenné (Homonna), Zemplén-graafskap, Koninkryk van Hongarye (nou in Slowakye) aan Joodse ouers, dr David Thomán en Rosa Weisberger. [2] Hy is erken vir sy talent, en het 'n gunstelingstudent van Franz Liszt geword.[1] Liszt het hom aangestel om onderwys te gee aan die Franz Liszt Musiekakademie (Koninklike Hongaarse Akademie vir Musiek) in Boedapest,[3] maar hy moes op 45-jarige ouderdom skielik aftree.[4]
Loopbaan
[wysig | wysig bron]Thomán het saam met Liszt getoer, en was teenwoordig tydens sy afsterwe. Hy was ook een van die wat Liszt se kis gedra het. Thomán, saam met die mede-Liszt-student Árpád Szendy, se belang lê daarin dat hulle die Liszt-styl voortgesit het deur hul onderrig aan die Koninklike Hongaarse Akademie van Musiek.
As onderwyser aan die Koninklike Akademie het Thomán in 174 'n 17-jarige Ernő Dohnányi as student aangeneem. In 1903 het 'n 21-jarige Béla Bartók sy Studie vir die linkerhand aan Thomán opgedra. Die studie is 'n sonate wat geheel en al met een hand uitgevoer word.[5] In sy Studies op Chopin se Études het Leopold Godowski sy Opus 25 No. 11 (A mineur) aan Thomán opgedra.
Thomán se dogter, Mária Thomán (1899–1948), het 'n gerekende konsertviolis geword en saam met Jenő Hubay, Franz von Vecsey, Carl Flesch en Alma Moodie gestudeer. Sy het regoor Europa konserte gespeel, beide as solis en ter begeleiding van kamermusiek ensembles.
Verwysings
[wysig | wysig bron]- ↑ 1,0 1,1 Shtet Links. "HUMENNE, SLOVAKIA". Humenne Website. Besoek op 3 Desember 2011.
- ↑ Bayley, Amanda (2001), Cambridge Companions to Music Cambridge University Press, bladsy 17, ISBN 0-521-66958-8
- ↑ Liszt se 125 jaar oue Akademie vir Musiek Antesedente, Invloede, Tradisies Mária Eckhardt Studia Musicologica Academiae Scientiarum Hungaricae,T. 42, Fasc.1/2, Franz Liszt en Gevorderde Musikale Opvoeding in Europa: Internasionale Konferensie (2001), bladsy 123
- ↑ Kerman, Joseph (1992). Music at the turn of century: a 19th-century music reader. University of California Press. p. 185. ISBN 0-520-06855-6.
- ↑ Bartók New Series. "Bartók's Works for Piano Solo". Bartók New Series. Geargiveer vanaf die oorspronklike op 16 Maart 2012. Besoek op 3 Desember 2011.
