Jacquère

Jacquère in Viala & Vermorel

Jacquère is 'n wit druifsoort wat hoofsaaklik in die Savoie-wynboustreek van Frankryk verbou word.[1] Dit lewer 'n hoë opbrengs, en word gebruik om ligte, verfrissende en sag-aromatiese wyn te maak, soos byvoorbeeld Vin de Savoie. Jacquère word ook gebruik in Apremont-wyn, en word gewoonlik gedrink saam met kaasfondue ('n gereg uit dieselfde streek). Dit word ook gebruik om Bugey-wyn te maak.

Jacquère word ook verbou in sommige Condrieu-wingerde, maar dit mag nie gebruik word om Condrieu Appellation d'Origine Contrôlée-wyn te maak nie.[1]

Na verhoogde aanplantings in Frankryk in die 1980's, het aanplantings van die druifsoort sedert die 1990's op ongeveer 1000 hektaar gestabiliseer.[1]

Verhouding met ander druifsoorte

[wysig | wysig bron]

Gouais blancis is uitgeken as een van die druifsoort se voorlopers, maar die andere is onbekend. Kenners is van mening dat Jacquère van Franse oorsprong is.[2]

In die 20ste eeu het die ampelograwe Louis Levadoux en (dekades later) Linda Bisson Jacquère gekategoriseer as 'n lid van die Pelorsien eko-geogroep, saam met Bia blanc, Béclan, Dureza, Exbrayat, Durif, Joubertin, Mondeuse blanche, Peloursin, Servanin en Verdesse.[3]

Sinonieme

[wysig | wysig bron]
Vin de Savoie Apremont wyn, wat van Jacquère gemaak word.

Sinonieme vir die druifsoort sluit in Altesse de Saint-Chef, Blanc des Ecoutoux, Buisserate, Cherche, Coufe Chien, yCugnete, Cugnette, Cugniette, Jacquère Blanche, Jacquèrre, Jacquière, Martin Cot, Martin Cot Blanc, Molette de Montmelian, Patois Rossette, Plant de Myans, Plant des Abymes, Redin, Robinet, Rossettin, Roussette, en Roussette de Montmelian.[2]

Verwysings

[wysig | wysig bron]
  1. ↑ 1,0 1,1 1,2 "Jacquère". Oxford Companion to Wine (Third). (2006). Ed. Jancis Robinson. Oxford: Oxford University Press. 372. ISBN 0-19-860990-6. 
  2. ↑ 2,0 2,1 Vitis International Variety Catalogue: Jacquere Geargiveer 22 April 2012 op Wayback Machine, besoek op 8 Junie 2008
  3. ↑ J. Robinson, J. Harding and J. Vouillamoz Wine Grapes - A complete guide to 1,368 vine varieties, including their origins and flavours pg XXVII Allen Lane 2012 ISBN 978-1-846-14446-2