Jaguares (Superrugbyspan)

Jaguares
Stigting		2015
Ligging		Buenos Aires, Argentinië
Stadion		Estadio José Amalfitani, Buenos Aires
Kapasiteit		49 540
Afrigter(s)		Raúl Pérez
Kaptein(s)		Agustín Creevy
Liga(s)		Superrugby
2018		Kwarteind (7de na rondomtalie)
Tuiskleure		Weg kleure
Statistiek
Eerste wedstryd
Cheetahs 33 – 34 Jaguares (26 Februarie 2016)
Grootste oorwinning
Jaguares 73 – 27 Kings (30 April 2016)
Grootste nederlaag
Blues 24 – 16 Jaguares (2 April 2016)
Amptelike webwerf
www.jaguares.com.ar
Unie webwerf
www.uar.com.ar

Die Jaguares (IPA: ɣɑ/gwa/rɛs) is ’n Argentynse rugbyspan wat sedert 2016 aan die Superrugbykompetisie deelneem. Die span is in 2015 gestig om ingesluit te word by die vergrote Superrugbykompetisie, en wel met sy debuut in die 2016 Superrugbyseisoen. Die span se basis is Buenos Aires en hulle tuisveld die José Amalfitani-stadion, met sitplek vir 49 540 mense.

Geskiedenis

Na indrukwekkende vertonings deur Argentinië in internasionale rugbykompetisies, waaronder ’n derde plek in die Rugbywêreldbeker 2007, het die Argentynse Rugbyunie (UAR) aansoek gesoen om insluiting in SANZAR se Drienasieskompetisie. In 2011 is aangekondig dat die kompetisie uitgebrei sou word om Argentinië in te sluit; gevolglik is die kompetisie se naam verander na die Rugbykampioenskap^[1] en Argentinië het in 2012 vir die eerste keer aan die kompetisie deelgeneem.

Volgens die reëls van die Argentynse Rugbyunie was daar egter geen professionele liga in Argentinië nie en die UAR het die Pampas XV op die been gebring. Hierdie span het aan die Vodacombeker deelgeneem van 2010 tot 2013 en die kompetisie in die 2011-seisoen gewen met 11 opeenvolgende onoorwonne wedstryde.^[2] Aan die einde van die 2013-seisoen het die span hom weens finansiële oorwegings aan die kompetisie onttrek^[3] maar is die span behou om van 2014 af aan die Pasifiese Rugbybeker deel te neem.^[4] Hulle her die kompetisie in 2014^[5] en 2015 gewen (die kompetisie heet van 2015 af die Wêreldrugby Pasifiese Uitdaging).^[6]

Ten spyte van die Pampas XV se suksesse het die UAR steeds gepoog om spanne by die Superrugbykompetisie ingesluit te kry.^[7][8] Aangesien SANZAR vir die termyn van 2011 tot 2015 ’n Superrugbypakket aan uitsaaiers verkoop het, het dit beteken dat die formaat wat gegeld het toe die pakket saamgestel is, sou duur tot wanneer die pakket verstryk, m.a.w. die 2016-seisoen.^[9]

In 2013 het Greg Peters, HUB van SANZAR aangekondig dat die Superrugbykompetisie in die 2016-seisoen uitgebrei sou word deur onder meer die toevoeging van die Southern Kings.^[10] Vroeg in 2014 het SANZAR bevestig dat die Superrugbykompetisie uitgebrei sou word van 15 na 18 spanne met die aanvang van die 2016-seisoen en dat Argentinië een van die nuwe konsessies sou kry. Dit is bevestig dat die span se basis in Buenos Aires sou wees en dat hulle in een van die Afrika-konferensies sou wees.^[11] In Oktober 2014 is ’n lisensie aan Japan toegestaan om die 18de konsessie te bedryf.^[12] en die nuwe uitgebreide formaat met die drie nuwe spanne is in November 2014 formeel deur die Uitvoerende Komitee van SANZAR goedgekeur.^[13]

Naam en kleure

Die naam sou aanvanklik teen einde Julie 2015 aangekondig word maar is uitgestel tot na afloop van die Rugbywêreldbeker 2015. Op 16 Desember 2015 is aangekondig dat die span as die Jaguares bekend sou staan. Die naam Jaguares is gekies om slinksheid, vaardigheid en krag voor te stel. Volgens die amptelike webwerf maak die skerp instink en intelligensie die Jaguares die ideale simbool vir die span.^[14] Die naam is ook ’n eerbetoon aan die wapen van die UAR wat op alle nasionale spanne verskyn.

Superrugby

Die volgende tabel som die Jaguares se Superrugby-uitslae op:

Seisoen	Pos Alg	Pos Groep	Gespeel	Gewen	Gelyk	Verloor	Punte vir	Punte teen	+/-	BP^1	Pte	Notas
2016	13de	5de	15	4	0	11	376	427	−51	6	22
2017	10de	4de	15	7	0	8	404	386	+18	5	33

¹ Punte toegeken vir ’n loslootjie is nie hierby ingereken nie.

Span

Jaguares 2017-superrugbyspan:

Stutte Felipe Arregui Cristian Bartolini Santiago García Botta Facundo Gigena Ramiro Herrera Lucas Noguera Paz Enrique Pieretto Roberto Tejerizo Nahuel Tetaz Chaparro Hakers Facundo Bosch Agustín Creevy Julián Montoya Slotte Matías Alemanno Juan Cruz Guillemaín Marcos Kremer Ignacio Larrague Tomás Lavanini Guido Petti Pagadizábal

Losvoorspelers Rodrigo Báez Facundo Isa Juan Manuel Leguizamón Tomás Lezana Benjamín Macome Pablo Matera Javier Ortega Desio Santiago Portillo Leonardo Senatore Skrumskakels Gonzalo Bertranou Felipe Ezcurra Martín Landajo Losskakels Joaquín Díaz Bonilla Santiago González Iglesias Nicolás Sánchez

Senters Santiago Álvarez Gabriel Ascárate Jerónimo de la Fuente Bautista Ezcurra Juan Martín Hernández Matías Moroni Matías Orlando Vleuels Emiliano Boffelli Santiago Cordero Nicolás Freitas Manuel Montero Heelagters Ramiro Moyano Joaquín Tuculet

Verwysings

1. ""Die RugbyKampioenskap" vervang Drienasies". rugby.com.au (in Engels). Geargiveer vanaf die oorspronklike op 8 Maart 2016. Besoek op 8 November 2011.
2. "Pampas XV wen Vodacombeker!" (in Engels). SuperSport. 13 Mei 2011. Geargiveer vanaf die oorspronklike op 9 Oktober 2019. Besoek op 17 April 2015.
3. "Pampas uit Vodacombeker" (in Engels). Sport24. 19 November 2013. Geargiveer vanaf die oorspronklike op 9 Oktober 2019. Besoek op 19 November 2013.
4. (es) Unión Argentina de Rugby (27 Desember 2013). "Plantel de Seniors para la temporada 2014" (in Spanish). Persberig. Archived from the original on 28 Desember 2013. https://web.archive.org/web/20131228030118/http://www.uar.com.ar/noticias/noticias.asp?idinfo=2455. Besoek op 27 Desember 2013. 
5. "Argentynse Pampas wen Pasifiese Rugbybeker" (in Engels). Asia Rugby Football Union. 24 Maart 2014. Geargiveer vanaf die oorspronklike op 9 Oktober 2019. Besoek op 17 April 2015.
6. "Argentynse Pampas verdedig Pasifiese Uitdaging-titel" (in Engels). Wêreldrugby. 23 Maart 2015. Geargiveer vanaf die oorspronklike op 23 Augustus 2018. Besoek op 17 April 2015.
7. "Superrugby aanvaar dalk Argentynse spanne in 2016" (in Engels). Guardian. 8 Augustus 2013. Geargiveer vanaf die oorspronklike op 8 November 2019. Besoek op 17 April 2015.
8. "Pichot: Argentinië in Superrugby is voor die hand liggend" (in Engels). SuperXV. 23 Augustus 2013. Geargiveer vanaf die oorspronklike op 24 September 2015. Besoek op 17 April 2015.
9. (en) "Superrugby gaan wêreldwyd". Sydney Daily Telegraph. 11 Februarie 2012. Besoek op 17 April 2015.
10. "SANZAR-baas Greg Peters bevestig dat Suid-Afrika vanaf 2016 'n sesde Superrugbykonsessie gaan kry". Herald Sun (in Engels). 4 September 2013. Geargiveer vanaf die oorspronklike op 21 Maart 2014. Besoek op 26 Augustus 2013.
11. (en) SANZAR (2 Mei 2014). "Soeke na 18de Superrugbyspan begin". Persberig. http://www.sanzarrugby.com/superrugby/news/search-begins-for-18th-super-rugby-team/. Besoek op 17 April 2015. 
12. "Superrugby: Japan gekies vir nuwe konsessie vanaf 2016" (in Engels). BBC. 24 Oktober 2014. Geargiveer vanaf die oorspronklike op 22 Desember 2014. Besoek op 17 April 2015.
13. (en) SANZAR (20 November 2014). "Japan en Argentinië sluit amptelik aan by Superrugby". Persberig. http://www.sanzarrugby.com/superrugby/news/japan-and-argentina-officially-join-super-rugby/. Besoek op 17 April 2015. 
14. "Waarom Jagueres?". Jaguares (in Engels). Geargiveer vanaf die oorspronklike op 21 Januarie 2016. Besoek op 10 Januarie 2016.