John Hays Hammond

John Hays Hammond
Gebore	31 Maart 1855 San Francisco, Kalifornië
Sterf	8 Junie 1936 (op 81) Gloucester, Massachusetts
Nasionaliteit	Verenigde State
Beroep	mynbou-ingenieur, diplomaat
Eggenoot	Natalie Harris (28 September 1859–18 Junie 1931)
Kinders	John Hays Hammond, Jr. (13 April 1888–12 Februarie 1965) Natalie Hays Hammond (1904–1985) Nathaniel Harris Hammond (?–1906) Richard Pindle Hammond
Ouer(s)	Sarah (Hays) Lea Richard Pindell Hammond

John Hays Hammond (1855 - 1936) was 'n myningenieur en magnaat. Hy is in San Francisco, Amerika gebore en studeer aan die Universiteit van Yale en aan die Koninklike Saksiese Mynbouakademie in Freiberg, Duitsland. In 1893 word hy deur die Barnato-broers in diens geneem om verslag te doen oor sekere van hulle eiendomme en gaan werk daarna vir Cecil John Rhodes. Hy word aangestel as raadgewende ingenieur van die Consolidated Gold Fields of South Africa. Hy woon op die Witwatersrand en was een van die vier hoofleiers van die Reform Commitee wat die Jameson-inval lei. Na die mislukte inval word hy in hegtenis geneem, verhoor en ter dood veroordeel. Hy betaal 'n boete van £25,000 en word vrygelaat.

Hy verteenwoordig die Amerikaanse President William Howard Taft tydens die kroning van George V van die Verenigde Koninkryk in 1911.

Bron

• Wikimedia Commons het meer media in die kategorie John Hays Hammond.
• Ensiklopedie van Suidelike Afrika, Eric Rosenthal, 1967