KV27

KV27
Grafkelder van 'n onbekende
Die plan van KV27.
Die plan van KV27.
Ligging Vallei van die Konings
Land Vlag van Egipte Egipte
Ontdek Voor 1832
Uitgrawings deur Donald P. Ryan (1993, 2006)
Versiering Onversier
← Vorige
KV26
Volgende →
KV28

KV27 is 'n grafkelder in die Vallei van die Konings by Thebe, naby die moderne stad Luxor in Egipte. Dit is deur John Wilkinson besoek, maar nie behoorlik verken voor die 1990's deur Donald P. Ryan nie. Die grafkelder bestaan uit vier kamers en is onversier. Niks is van sy eienaar bekend nie.

Ligging en uitgrawings

[wysig | wysig bron]

KV27 lê tussen die grafkelders KV21 en KV28 in 'n wadi wat uit die hoofvallei vertak. Dit het 'n eenvoudige uitleg; dit bestaan uit 'n skag en vier kamers.[1] Dit stem baie met KV30 ooreen. Erdewerk wat daar ontdek is, dateer van die middel van die 18de Dinastie.[1]

Die oorspronklike uitgrawer is onbekend en geen rekords bestaan oor die ontdekking van die grafkelder nie.[2] Wilkinson het dit beslis geken en dit is kortliks deur Eugène Lefébure beskryf. Hy het gesê dit bevat stukke van 'n mummie.[3][4]

Donald P. Ryan en sy span het in 1993 en 2006 uitgrawings gedoen. In 1993 is klein hoeveelhede potte en fragmente van 'n begrafnis ontdek, soos hout, bladgoud en lappe.[1]

In 2006 is die grafkelder deegliker ondersoek. Die skag is skoongemaak; dit het moderne afval en soeweniers bevat. Daaronder was puin van oorstromings. Die eerste kamer (B) was feitlik heeltemal uitgegrawe en het min artefakte bevat.[1] Kamer C was vol potskerwe. Dit lyk of 'n storm die grafkelder laat oorstroom het, met die gevolg dat die inhoud "met geweld rondgespoel en gemeng is".[1] Die meeste menslike oorblyfsels is hier gevind: 'n gedeeltelike skedel, werwels, ribbes en 'n regterarm. Dit is vermoedelik van 'n enkele individu van sowat 30 jaar oud. Uitgrawings in die ander twee kamers is vir 'n volgende seisoen gelos. Aan die einde van 2006 is 'n staaldeur voor die ingang aangebring.[1]

Verwysings

[wysig | wysig bron]
  1. ↑ 1,0 1,1 1,2 1,3 1,4 1,5 Ryan, Donald P. (2007). "Pacific Lutheran University Valley of the Kings Project: Work Conducted during the 2006 Field Season". Annales du Service des Antiquités de l'Égypte. 81: 357–361.
  2. ↑ Ryan, Donald P. (1992). "Some Observations Concerning Uninscribed Tombs in the Valley of the Kings". In Reeves, Carl Nicholas (red.). After Tut'ankhamun: Research and Excavation in the Royal Necropolis at Thebes. London: KPI. pp. 21–27. Geargiveer vanaf die oorspronklike op 21 Mei 2023. Besoek op 2 Oktober 2023.
  3. ↑ Lefébure, Eugène (1889). Les hypogées royaux de Thèbes (Tome Troisième): Notices des hypogées (in Frans). Paris. p. 187.{{cite book}}: AS1-onderhoud: plek sonder uitgewer (link)
  4. ↑ Reeves, C. N. (1990). Valley of the Kings: Decline of a royal necropolis. London: Kegan Paul International. p. 154. ISBN 0-7103-0368-8.

Skakels

[wysig | wysig bron]