KV58

KV58
Die grafkelder van 'n onbekende
Die plan van KV58.
Die plan van KV58.
Ligging Vallei van die Konings
Land Vlag van Egipte Egipte
Ontdek Januarie 1909
Uitgrawings deur Harold Jones
← Vorige
KV57
Volgende →
KV59

KV58, ook bekend as die "Strydwa-grafkelder", is 'n grafkelder in die Vallei van die Konings by Thebe, naby die moderne stad Luxor in Egipte. Dit is in Januarie 1909 deur Harold Jones ontdek en uitgrawings is gedoen namens die Amerikaanse miljoenêr-sakeman Theodore M. Davis.[1] Die omstandighede van die ontdekking en besonderhede oor die uitgrawings is net kortliks genoem in Davis se weergawe,[2] wat beweer het Edward Ayrton het dit in 1907 ontdek.

Ontdekking en inhoud

[wysig | wysig bron]

Die grafkelder is op 10 Januarie 1909 ontdek tussen die grafkelders KV57 (Horemheb) en KV56. Dit bestaan uit 'n skag wat na 'n enkele kamer lei. Daarin is bladgoud, meubelknoppe en 'n begrafnisbeeldjie gevind. Die inhoud kom waarskynlik uit WV23 (die grafkelder van farao Ai).[1] Davis het gedink dit is die grafkelder van die destyds onbekende farao Toetankamen.[3]

Die handvatsel, knoppe en goudfoelie bevat die name Toetankamen, Anchesenamen en beide die troon- en niekoninklike name van Ai. Op die bladgoud is 'n ontwerp van Toetankamen of Ai wat vyande verslaan. Daar is ook blom- en ander ontwerpe.[4] Dit is waarskynlik die oorblyfsels van voorwerpe wat vir minstens een strydwa gemaak is.[5]

Verwysings

[wysig | wysig bron]
  1. ↑ 1,0 1,1 Reeves & Wilkinson 1996, p. 186.
  2. ↑ Reeves 1981, p. 11.
  3. ↑ Davis, Maspero & Daressy 1912, p. 2.
  4. ↑ Davis, Maspero & Daressy 1912, pp. 125–135.
  5. ↑ Reeves 1981, pp. 12–13.

Bibliografie

[wysig | wysig bron]
  • Davis, Theodore M.; Maspero, Gaston; Daressy, George (1912). The Tombs of Harmhabi and Touatânkhamanou (Duckworth 2001 reprint uitg.). Londen: Archibald Constable & Co. Ltd. ISBN 0-7156-3072-5.
  • Reeves, C. N. (1981). "A State Chariot from the Tomb of Ay?". Göttinger Miszellen. 46: 11–19. Besoek op 12 April 2022.
  • Reeves, C. N. (1982). "The Discovery and Clearance of KV58". Göttinger Miszellen. 53. Besoek op 12 April 2022.
  • Reeves, Nicholas; Wilkinson, Richard H. (1996). The Complete Valley of the Kings: Tombs and Treasures of Egypt's Greatest Pharaohs (2010-sagteband uitg.). Londen: Thames and Hudson. ISBN 978-0-500-28403-2. Besoek op 2 Julie 2022.

Skakels

[wysig | wysig bron]