Kadmiumchloried

Eienskappe

Algemeen
Naam	Kadmiumchloried
Struktuurformule van
Chemiese formule	CdCl2
Molêre massa	183,32 [g/mol] [1]
CAS-nommer	10108-64-1[1]
Voorkoms	wit poeier[1]
Reuk	reukloos [1]
Fasegedrag
Selkonstantes	ah = 384,59(1)pm ch = 1749,31(4)pm[2]
Ruimtegroep	R3m[3]
Nommer	166
Strukturbericht	C19
Smeltpunt	568 °C [1]
Kookpunt	960 °C [1]
Digtheid	4,08 [g/cm^3][1]
Oplosbaarheid	>100 [g/L][1]
Suur-basis eienskappe
pKa
Veiligheid
Flitspunt
LD50	88 [mg/kg] (oraal; rot) [1]
Tensy anders vermeld is alle data vir standaardtemperatuur en -druk toestande.
Portaal Chemie

Kadmiumchloried is 'n sout van kadmium en waterstofchloried met formule CdCl₂.

Dit is 'higroskopiese stof wat hidrate vorm. ^[1]

Kristalstruktuur

Kadmiumchloried kristalliseer in 'n gelaagde romboëdriese struktuur wat die argetipe van die C19-struktuur van die strukturbericht-klassifikasie is.^[4] Die struktuur is gebaseer op 'n kubiese digpakking van die chlooratome (...ABCABC...). Die kadmium atome vul die helfte van die oktaëderholtes. Dit is vergelykbaar met die kadmiumjodied-struktuur (oftwel die magnesiumhidroksied- of brusiet-struktuur C6), maar hierdie struktuur is op heksagonale dikpakking gebaseer (...ABABAB...) Beide strukture word gekenmerk deur X-Cd-X-toebroodjielae wat slegs deur vanderWaalsinteraksies bymekaar gehou word. Dit beteken dat die pakmodus kan verskil van die ideale ABABAB- of ABCABC-patrone en politipes maklik gevorm kan word.^[5]

Produksie

Kadmiumchloried word geproduseer deur teen 600 °C gesmelte kadmium met chloorgas te laat reageer of deur kadmiummetaal of die oksied, karbonaat, sulfied of hidroksied in soutsuur op te los en hierdie oplossing vervolgens in te damp om gehidrateerde kristalle te verkry. Die watervrye kadmiumchloriedsout kan verkrt word deur die hidraat onder terugvloei met tionielchloried te verhit of in 'n waterstofchloriedatmosfeer te kalsineer.^[6]

Gebruike

Kadmiumchloried word gebruik in elektroplatering, drukwerk, fotokopiëring, kleur, spieëls, vakuumbuise, smeermiddels, analitiese chemie en as 'n chemiese middel om kadmiumbevattende pigmente en stabiliseerders te vervaardig.^[1]

Verwysings

1. "Cadmium chloride". PubChem NIH.
2. D.E. Partin, M. O'Keeffe (1991). "The structures and crystal chemistry of magnesium chloride and cadmium chloride". Journal of Solid State Chemistry. 95 (1): 176–183. doi:10.1016/0022-4596(91)90387-W.
3. Kurt E. Sickafus, Robin W. Grimes, Siobhan M. Corish, Antony R. Cleave, Ming Tang, Chris R. Stanek, Blas P. Uberuaga, James A. Valdez. "Layered Atom Arrangements in Complex Materials". Los Alamos.
4. S.Weber (2001). "VRML Structure Type gallery". ucl uk.
5. Emma H. Wolpert, Simon J. Cassidy, Andrew L. Goodwin (2023). "On the polytypism of layered MX2 materials" (PDF). PHYSICAL REVIEW MATERIALS. 7: 093605.
6. Faroon O, Ashizawa A, Wright S (2012). PRODUCTION, IMPORT/EXPORT, USE, AND DISPOSAL; in:Toxicological Profile for Cadmium. National Library of Medicine.