Kali

Kali
Samhara Kali, deur Raja Ravi Varma. Sy was een van die 10 Mahavidyas.
Samhara Kali, deur Raja Ravi Varma. Sy was een van die 10 Mahavidyas.
Godin van tyd, skepping, vernietiging, krag
Devanagari काली
Affiliasie Mahakali, Mahavidyas, Devi, Adi Parashakti, Parvati
Woonplek Verassingsterreine, Manidvipa
Wapen Drietandvurk, swaard
Metgesel Shiva

Kali (Sanskrit: काली Kālī), ook bekend as Kalika (Sanskrit: कालिका Kālikā), is ’n godin in Hindoeïsme. Sy is die hoof van die Mahavidyas, ’n groep van 10 tantriese godinne wat elk ’n ander aspek van die moedergodin Parvati verteenwoordig. Sy is 'n vegtergodin wat bose magte vernietig.

Geskiedenis

[wysig | wysig bron]

Kali se vroegste verskyning is as ’n verwoester van bose magte. Sy is die kragtigste vorm van Shakti en vernietig die bose om die onskuldiges te beskerm. Met verloop van tyd is sy deur bewegings en sektes aanbid as die moedergodin, moeder van die heelal, Adi Shakti of Adi Parashakti.[1][2][3] Hindoes van Shaktisme en tantriese sektes aanbid haar ook as die opperste werklikheid, of Brahman.[3]

Sy word ook beskou as die goddelike beskermer en die een wat moksha, of bevryding, bewerkstellig.[1] Kali word dikwels uitgebeeld waar sy op haar metgesel, Shiva, staan of dans terwyl hy stil op die grond lê. Kali word deur Hindoes dwarsdeur Indië en Nepal aanbid.[4]

Etimologie

[wysig | wysig bron]

Kālī is die vroulike vorm van "tyd" (kāla), en as uitbreiding tyd as die "veranderende aspek van die natuur wat dinge laat lewe en doodgaan". Ander name vir haar sluit in Kālarātri ("die swart nag") en Kālikā ("die swart een").[5]

Die homoniem kāla ("tyd") is nie dieselfde as kāla ("swart") nie, maar dit het verbind geraak deur gewilde etimologie. Sy word ook genoem Kali Mata ("die donker moeder"). Volgens Cuburn kan Kali beskou word as óf ’n eienaam óf die beskrywing "die donkerblou een".[5] Die manlike vorm, Kala, is ook ’n ander naam vir Shiva, haar metgesel.[6]

Verwysings

[wysig | wysig bron]
  1. ↑ 1,0 1,1 Hawley, John Stratton; Wulff, Donna Marie (1982). Sri Ramakrishna: The Spiritual Glow. Motilal Banarsidass. p. 152.
  2. ↑ Harding, Elizabeth U. (1993). Kali: The Black Goddess of Dakshineswar. Nicolas Hays. ISBN 978-8120814509.
  3. ↑ 3,0 3,1 McDaniel, June (2004). Offering Flowers, Feeding Skulls: Popular Goddess Worship in West Bengal. Oxford University Press.
  4. ↑ McDermott, Rachel Fell (2003). Encountering Kali: In the Margins, at the Center, in the West. Berkeley: University of California Press. ISBN 978-0520232402.
  5. ↑ 5,0 5,1 Coburn, Thomas (1984). Devī-Māhātmya – Crystallization of the Goddess Tradition. Motilal Banarsidass, Delhi. ISBN 978-81-208-0557-6.
  6. ↑ McDermott, Rachel Fell (2001). Singing to the Goddess: Poems to Kali and Uma from Bengal. Oxford University Press. ISBN 978-0198030706.

Skakels

[wysig | wysig bron]