Kaliningrad-oblast

Kaliningrad-oblast
Калининградская область (ru)
Kaliningrado sritis (lt)
Obwód kaliningradzki (pl)
Kaliningrader Gebiet (de)
Die ligging van Kaliningrad-oblast in Rusland.
Die ligging van Kaliningrad-oblast in Rusland.
Politieke status
Land Russiese Federasie
Federale distrik Noordwestelike
Ekonomiese streek Kaliningrad
Stigting 7 April 1946
Regering
Hoofstad Kaliningrad
Leier Nikolai Tsoekanof[1]
Amp Goewerneur
Wetgewer Wetgewende Raad
Bevolking
Sensus 2010
Totaal 941 873
Volgorde 56ste
Digtheid 62,38/km2
Stedelik 77,6%
Plattelands 22,4%
Statistiek
Oppervlakte 15 100 km2
Volgorde 76ste
Tydsone UTC+04:00
Registrasienommer 39, 91
Amptelike tale Russies
Webtuiste http://gov39.ru/
Wapen en vlag

Portaal  Portaalicoon   Rusland

Kaliningrad-oblast (Russies: Калининградская область, Kaliningradskaja oblast) is die mees westelike en ook die kleinste deelgebied van Rusland met 'n oppervlakte van 15 125 km2 (0,1% van die totale oppervlakte van die Russiese Federasie) en 'n bevolking van 941 000 (2010).[2] In Rusland word na die gebied vanweë sy beduidende voorkomste aan barnsteen dikwels ook as "Barnsteenland" (Russies: Янтарный Край) verwys.

Geografie

[wysig | wysig bron]

Die administratiewe sentrum van die oblast is Kaliningrad (vroeër Königsberg/Koningsberg). Die gebied behels die noordelike derde van die voormalige Pruisiese provinsie Oos-Pruise (dit wil sê die provinsie se voormalige grondgebied met die uitsondering van die Memelland, Ermland, Masoere en Oberland/Prusy Górne). Dit grens in die noorde aan Litaue en in die suide aan Pole; die kuslyn aan die Oossee strek oor 'n afstand van 140 km. Die gebied is 'n Russiese eksklawe wat naas Pole en Litaue ook deur die grondgebied van Letland en Wit-Rusland van die res van die Russiese Federasie afgesny is. Die belangrikste landverbinding met die Russiese kerngebied loop deur Litaue en Belarus.

As setel van die Oosseevloot speel die gebied 'n beduidende rol in Rusland. Ongesuiwerde industriële afloopwater uit die oblast skep 'n omgewingsvraagstuk vir die strandmeer Koerse Haf wat gedeeltelik op Litause grondgebied lê.

Verwysings

[wysig | wysig bron]
  1. ↑ (ru) Amptelike webtuiste van die Kaliningrad-oblast Nikolai Tsoekanof Geargiveer 14 Julie 2015 op Wayback Machine
  2. ↑ Russiese Staatstatistiekdiens (2011). "Всероссийская перепись населения 2010 года. Том 1; Russiese Bevolkingsensus 2010, Vol. 1" (in Russies). Geargiveer vanaf die oorspronklike op 14 Mei 2020. Besoek op 29 Junie 2012.

Eksterne skakels

[wysig | wysig bron]

54°48′N 21°25′O / 54.800°N 21.417°O / 54.800; 21.417