Karp
| Karp | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | |
| Genus: | Cyprinus Linnaeus, 1758
|
| Spesie: | C. carpio
|
| Binomiale naam | |
| Cyprinus carpio Linnaeus, 1758
| |
| Sinonieme | |
|
Mesocyprinus Fang, 1936 | |
Die Karp (Cyprinus carpio) is 'n varswatervis in die familie Cyprinidae. Die gewone karp is die bekendste karp en is oorspronklik afkomstig van Asië. In die 12de eeu het Europese monnike karpe geteel as 'n bron van voedsel en in 1877 is karpe in die Verenigde State van Amerika ingevoer. In sentraal Europa is karp 'n algemene tradisionele gereg tydens Kersfees.
Voorkoms
[wysig | wysig bron]Die vis is olyfbruin tot goud van kleur. Drie verskillende skubpatrone word by die visse gevind:
- lyf is vol skubbe en staan bekend as die volskaalkarp,
- lyf het geen skubbe nie en staan bekend as die leerkarp,
- lyf is gedeeltelik bedek met skubbe en staan bekend as die spieëlkarp.
Die mond kan vorentoe uitstrek en daar is 'n paar baarde aan die mond wat dien as 'n tasorgaan. Die vis kan tot 24 kg weeg.
Habitat
[wysig | wysig bron]Die vis leef in damme, mere, modderrige riviere en stadig vloeiende riviere, selfs stilstaande water. Hulle is gewoonlik op die bodem doenig waar die modder versteur en kos gesoek word. Die wyfie lê haar eiers gedurende die lente en somer in vlak water of onder waterplante.
Hengel en karp-aas
[wysig | wysig bron]Boilies is ongetwyfeld van die beste varswateraas wat spesiaal gemaak word om groot vis mee te vang. Dit is nie net 'n uitstekende hengelaas vir spesiekarp hengel nie, dit is ook uiters geskik vir beide kompeterende en sosiale karphengel. Boilies is beskikbaar in 'n groot verskeidenheid kleure, geure en in verskillende vorms en groottes; van klein mikro boilies (sommige selfs so klein as 6 mm) tot die heel groottes van so 40-50mm wat uitstekend werk vir monster vis, beide karp en baber.
Die mees algemene manier om 'n boilie te gebruik is met behulp van 'n haarstrop (die aas word aan die haar geheg en nie direk aan die hoek vasgemaak nie) wat die boilie toelaat om aan die agterkant van die hoek te rus. Dit beteken nie net dat die aas meer natuurlik in die water sal voorkom nie, maar ook dat dit dikwels die verskil sal maak tussen 'n goeie hoekgreep en 'n ondoeltreffende greep. Weens die manier waarop karp na kos soek word alles wat na kos lyk eers van die bodem af opgesuig en dit wat nie kos is nie word dan baie vinnig weer uitgeblaas; sou die vis besluit die boilie is nie eetbaar nie sal hy dit baie vinnig uitblaas, maar omdat die boilie onafhanklik kan rondbeweeg (los van die hoek) haak die hoek baie maklik in die karp se mond vas, en ook meer gereeld in die vis se onderlip waar dit nie maklik sal loskom nie.[1]
Ander karpaas wat in al ons hengelwaters goeie vangstes oplewer is soetmielies, degieaas, dryfasies en erdwurms. Soetmielies word eers gekook en daarna binne-in 'n groot verskeidenheid van geursels verpak. Omdat dit redelik sag gekook word kan jy dit sommer direk op die hoekpunt haak.
Die mees bekende degieaas is seer sekerlik doodgewone koekmeel wat met 'n bietjie water gemeng word, en dan bo-oor die hoeksteel gedraai word. Dit word dan netso, ongegeur, gebruik of jy kan dit bietjie versoet met strooi suiker of heuning of jy kan dit binne-in die geursel van jou keuse doop.
Daar is bittermin hengelaars wat nie dryfasies ken nie. Hulle is beskikbaar in drie verskillende groottes, met 'n harde of sagte tekstuur, en gegeur in 'n magdom verskillende geure en word nes soetmielies direk op die hoekpunt gehaak. Erdwurms, veral die kleiner rooi wurm, het 'n baie sterk, natuurlike, lokreuk; en alhoewel dit meestal vir kurperhengel gebruik word, gebruik baie karphengelaars dit ook saam hul deegaas en/of dryfasies. Haak eers die erdwurm op die hoek sodat dit agter-op die hoek se steel tot ruste kom en daarna word 'n ander asie opgesit. Uiters doeltreffend, veral in die somermaande.
Koi
[wysig | wysig bron]Die koivisse is almal karpe wat spesiaal geteel word.
Sien ook
[wysig | wysig bron]- Koi
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bronnelys
[wysig | wysig bron]- First Field Guide to Fishes of Southern Africa. Rudy van der Elst. 1999. ISBN 978-1-86872-288-4
Verwysings
[wysig | wysig bron]- ↑ Karpaas - Boilies Geargiveer 4 Maart 2015 op Wayback Machine, besoek op 7 Junie 2013
