Ktesifon

Ktesifon
Antieke stad
Ktesifon is in Irak
Ktesifon
Ktesifon
Ktesifon se ligging in die hedendaagse Irak.
Koördinate: 33°5′37″N 44°34′50″O / 33.09361°N 44.58056°O / 33.09361; 44.58056
LandVlag van Irak Irak
GebiedMesopotamië

Ktesifon (Persies: تیسفون; Grieks: Κτησιφῶν) was 'n antieke stad aan die oostelike oewer van die Tigrisrivier en sowat 35 km suidoos van die hedendaagse Bagdad. Dit was langer as 800 jaar die hoofstad van Iran, ook bekend as Persië, in die tyd van die Partiese en Sassanidiese Ryk.[1]

Beskrywing

[wysig | wysig bron]
Taq Kasra, of die ruïne van die Ktesifon-paleis, 1864.

Ktesifon het in 'n ryk kommersiële sentrum van meer as 600 000 mense ontwikkel en was vol kerke, sinagoges, Boeddhiste-, Zoroastristiese en Mitraïstiese tempels sowel as leidende universiteite en ander opvoedingsinstellings wat met die omringende stede aan albei oewers van die rivier, soos die Hellenistiese stad Seleukië, saamgesmelt het.

Daar is soms na Ktesifon en die omgewing verwys as "Die Stede" (Aramees: Mahuza; Arabies: المدائن‎, al-Mada'in). Sommige skrywers het dit in die laat 6de en vroeë 7de eeu beskryf as "die grootste stad ter wêreld".[2]

Tydens die Romeins-Partiese Oorloë het Ktesifon drie keer in die hande van die Romeine geval. Ná die Moslemse inval het die stad verval en teen die einde van die 8ste eeu was dit ontvolk. Sy plek as 'n politieke en ekonomiese sentrum is deur die Abbasidiese hoofstad, Bagdad, ingeneem.

Die opvallendste struktuur wat behoue gebly het, is die Taq Kasra, wat soms die Gewelfde Poort van Ktesifon genoem word.[3]

Ligging

[wysig | wysig bron]

Ktesifon is min of meer by Al-Mada'in, 35 km van die moderne stad Bagdad, Irak, aan die Tigris geleë. Dit was sowat 30 km2 groot. Die Taq Kasra was eens deel van die koninklike paleis in Ktesifon en dateer na raming van tussen die 3de en 6de eeu.[4] Dit is in die huidige dorp Salman Pak geleë.

Verwysings

[wysig | wysig bron]
  1. ↑ "Ctesiphon: An Ancient Royal Capital in Context". Smithsonian. 15 September 2018. Besoek op 21 September 2018.
  2. ↑ "Largest Cities Through History". geography.about.com. Besoek op 25 November 2015.
  3. ↑ Eventually no less than four Sasanian rulers were quoted as its builders: Shapur I (241–273), Shapur II (310–379), Chosroes I Anushirvan (531–579) and Chosroes II Parvez (590–628). Kurz, Otto (1941). "The Date of the Ṭāq i Kisrā". The Journal of the Royal Asiatic Society of Great Britain and Ireland. (New Series). 73 (1): 37–41. doi:10.1017/S0035869X00093138. JSTOR 25221709.
  4. ↑ Farrokh, K. (2007). "The rise of Ctesiphon and the Silk Route". In Shadows in the Desert: Ancient Persia at War, p. 240.

Skakels

[wysig | wysig bron]