Le Vent du Nord
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Le Vent du Nord | |
|---|---|
 Le Vent du Nord tydens 'n optrede in 2016 | |
| Agtergrondinligting | |
| Oorsprong | Saint-Antoine-sur-Richelieu, Quebec, Kanada |
| Genres | Tradisionele Québécois-folkmusiek |
| Jare aktief | 2002 - hede |
| Etikette | Borealis |
| Webwerf | http://www.leventdunord.com |
| Lede | Nicolas Boulerice Olivier Demers Simon Beaudry Réjean Brunet André Brunet |
| Gewese lede | Bernard Simard Benoît Bourque Frédéric Samson Sébastien Dufour |
Le Vent du Nord ("Die Noordwind") is 'n Kanadese folkmusiekgroep uit Saint-Antoine-sur-Richelieu, 'n nedersetting in die Franssprekende provinsie Quebec. Die groep, wat in Augustus 2002 gevorm is, spits hulle op tradisionele Québécois-musiek toe (die inheemse volksmusiek van Quebec wat sterk Ierse en Bretonse invloede toon), asook oorspronklike musiektitels wat deur hulle in dié styl gekomponeer word.
Le Vent du Nord speel nie net 'n sleutelrol in die herlewing van Quebec se tradisionele volksmusiek nie, maar word danksy hulle optredes dwarsoor die wêreld as musikale ambassadeurs vir La Francophonie, die Franssprekende wêreld, beskou. Hul eerste vyf langspelers is vir 'n verskeidenheid pryse genomineer. Vir die eerste twee albums is musiekpryse aan die groep toegeken. Le Vent du Nord het daarnaas ook sukses in die Verenigde Koninkryk en in die Verenigde State behaal. So is hul langspeler La part du feu, wat in 2009 vrygestel is, deur die Amerikaanse dagblad The Boston Globe as een van die Top Ten Folk Albums of 2009 gelys, en as een van die Top Ten International Albums of 2009 deur die Los Angeles Times.
Die kwartet bestaan tans uit Nicolas Boulerice (stem, hurdy-gurdy, klavier-akkordeon, akkordeon), Olivier Demers (stem, viool, stapdans en kitaar), Simon Beaudry (stem, kitaar, Ierse bouzouki) en Réjean Brunet (stem, diatoniese trekklavier, akoestiese baskitaar, klavier en trompie).
Diskografie
[wysig | wysig bron]- 2003 Maudite Moisson! - Borealis records
- 2005 Les amants du Saint-Laurent - Borealis records
- 2007 Dans les airs - Borealis records
- 2008 Mesdames et Messieurs - Borealis records
- 2009 La part du feu - Borealis records
- 2010 Symphonique - Radio-Canada disque
- 2012 Tromper le Temps - Borealis records
- 2015 Têtu - Borealis records
- 2018 Notre album solo - La Compagnie du Nord met Le Vent du Nord & De Temps Antan
- 2019 Territoires - Borealis records
Eksterne skakels
[wysig | wysig bron] |
Wikimedia Commons bevat media in verband met Le Vent du Nord. |
- Media
- YouTube.com: Le Vent du Nord - Élise
- YouTube.com: Au Bord de la Fontaine - Le Vent du Nord in lywende lewe op 27 Julie 2016 in die Cottiers Theatre, Glasgow, Skotland
- Resensies & persartikels
