Leonardo DiCaprio

Leonardo DiCaprio
Leonardo DiCaprio by die primière van Body of Lies in Londen.
Leonardo DiCaprio by die primière van Body of Lies in Londen.
Geboortenaam Leonardo Wilhelm DiCaprio
Geboorte 11 November 1974
Hollywood, Los Angeles, Kalifornië, VSA
Nasionaliteit Amerikaner
Lewensmaat
  • Gisele Bündchen (~2000–2005)
  • Bar Refaeli (2005–2011)
  • Camila Morrone (2017–2022)
  • Vittoria Ceretti (2023–tans)
Beroep(e) Akteur, rolprentvervaardiger
Aktiewe jare 1989-tans
Rolprente Titanic, Blood Diamond, The Revenant
Webwerf www.leonardodicaprio.com
Toekennings Golden Globe vir The Aviator;
Oscar vir The Revenant
Internet-rolprentdatabasis-profiel

Leonardo Wilhelm DiCaprio (* 11 November 1974)[1] is 'n Amerikaanse akteur en rolprentvervaardiger wie se loopbaan afgeskop het met sy rol in die televisiesitkom Growing Pains en vinnig na rolprente oorgeslaan het. Sy kritiese deurbraakrolprentvertoning het in This Boy's Life gekom en is gou deur What's Eating Gilbert Grape gevolg. Sy vertolking van die rol van die verstandelik gestremde broer van Johnny Depp (in die titelrol) het hom nominasies vir die Golden Globe en Academy-toekennings vir "Beste Ondersteunende Akteur" besorg. Hy het roem verwerf vir sy vertolking van Jack Dawson in Titanic en het in verskeie ander suksesvolle rolprente verskyn, insluitende Romeo + Juliet, Catch Me If You Can, en Blood Diamond; hy is vir laasgenoemde vir die Academy-toekenning vir "Beste Akteur" genomineer.

'n Verdere Academy-nominasie het gekom vir sy rol as Howard Hughes in The Aviator, deur Martin Scorsese geregisseer. Hy het voortgegaan om met Scorsese in rolprente soos Gangs of New York en The Departed te werk. Hierdie samewerkingsvennootskap is vergelyk met die vroeëre werksverhouding tussen Scorsese en akteur Robert de Niro, wat ook rolle in Scorsese se rolprente tydens sy vroeë loopbaan vertolk het.[2] DiCaprio het daarbenewens nog ook twee Bafta-nominasies, drie Screen Actors Guild-nominasies, en 'n Silver Bear-toekenning ontvang.

In 2016 het DiCaprio die Oscar vir "Beste Akteur" gewen vir sy rol in The Revenant.

Verwysings

[wysig | wysig bron]
  1. ↑ Catalano, Grace (1997). Leonardo DiCaprio: Modern-Day Romeo. New York, New York: Dell Publishing Group. pp. 7–15. ISBN 0-440-22701-1.
  2. ↑ "Entertainment News » SCORSESE LIKENS DiCAPRIO TO DE NIRO" (in Engels). Pr-inside.com. 29 Januarie 2007. Geargiveer vanaf die oorspronklike op 3 September 2009. Besoek op 13 Januarie 2009.