Leucospermum

Leucospermum
Leucospermum erubescens
Wetenskaplike klassifikasie e
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Orde: Proteales
Familie: Proteaceae
Subtribus: Leucadendrinae
Genus: Leucospermum
R.Br.
Tipespesie
Leucospermum hypophyllocarpodendron[1]
      verspreiding
Sinonieme[2]

Leucospermum (speldekussings) is 'n struikgenus wat hoort tot die familie Proteaceae. Daar is 48 spesies wat tot die genus hoort.

Die speldekussings of luisies is na die proteas seker die bekendste en gewildste tuin- en snyblomme van die proteafamilie. Soos die proteas hou die blomme van speldekussings ook lank en die blomtyd is ook lank (dikwels 4 maande of langer). Waar die skutblare meestal die eienskap is wat proteas so aantreklik maak, is die uitstaande style en stempels die kenmerkendste eienskap van die speldekussings. Speldekussings het geen skutblare nie.

Wanneer hulle nie blom nie, kan speldekussings van proteas (en alle ander lede van die proteafamilie) onderskei word op grond van die drie of meer tandjies wat hulle aan die punte van hul blare het en wat dikwels rooierige randjies het. Die speldekussings kan ruweg verdeel word in die met groter blomkoppe ('n deursnee van meer as ongeveer 4 cm) en die met klein blomkoppe (ongeveer 3 cm in deursnee). Die blomkoppies van die rankende Leucospermum prostratum is slegs ongeveer 2 cm in deursnee. Die bekendste en gewildste speldekussings is Leucospermum cordifolium (vroeër Leucospermum nutans) en Leucospermum reflexum.

Met die uitsondering van die transkeise speldekussing, spitsblaarspeldekussing en die seepsteenspeldekussing kom al die spesies in die Wes-Kaap voor.

Spesies in die genus

[wysig | wysig bron]
Seksie Algemene seksienaam Spesie Algemene spesienaam
Leucospermum Sandveldspeldekussings Leucospermum arenarium Redelinghuys-speldekussing
Diastelloidea Luisspeldekussings Leucospermum bolusii Luisiesbos
Diastelloidea Luisspeldekussings Leucospermum calligerum Rooiluisie
Cardinistyle Vuurwerkspeldekussings Leucospermum catherinae Waterluisie
Conocarpodendron Boomspeldekussiing Leucospermum conocarpodendron Kreupelhout
Brevifilamentum Pronkspeldekusing Leucospermum cordatum Hartsblaarspeldekussing
Brevifilamentum Pronkspeldekusing Leucospermum cordifolium Bobbejaanklouspeldekussing
Crassicaudex Silindriese speldekussing Leucospermum cuneiforme Gewone luisiesbos
Tumiditubus Grootbuisspeldekussing Leucospermum erubescens Oranjevlamspeldekussing
Cardinistyle Vuurwerkspeldekussings Leucospermum formosum Silwerblaarspeldekussing
Tumiditubus Grootbuisspeldekussing Leucospermum fulgens Potbergspeldekussing
Crassicaudex Silindriese speldekussing Leucospermum gerrardii Seepsteenspeldekussing
Conocarpodendron Boomspeldekussiing Leucospermum glabrum Outeniekwakreupelhout
Crinitae Plat speldekussings Leucospermum gracile Hermanusspeldekussing
Cardinistyle Vuurwerkspeldekussings Leucospermum grandiflorum Grysblaarluisieboom
Cardinistyle Vuurwerkspeldekussings Leucospermum gueinzii Kloofluisiesbos
Hamatum Haakspeldekussings Leucospermum hamatum Ruiterbosspeldekussing
Hamatum Haakspeldekussings Leucospermum harpagonatum McGregorspeldekussing
Diastelloidea Luisspeldekussings Leucospermum heterophyllum Rankluisie
Leucospermum Sandveldspeldekussings Leucospermum hypophyllocarpodendron Slangbossie
Crassicaudex Silindriese speldekussing Leucospermum innovans Transkeise speldekussing
Brevifilamentum Pronkspeldekusing Leucospermum lineare Smalblaarspeldekussing
Tumiditubus Grootbuisspeldekussing Leucospermum muirii Bloukoolhout
Crinitae Plat speldekussings Leucospermum mundii Langeberg-speldekussing
Crinitae Plat speldekussings Leucospermum oleifolium Overbergse speldekussing
Leucospermum Sandveldspeldekussings Leucospermum parile Malmesburyluisie
Brevifilamentum Pronkspeldekusing Leucospermum patersonii Basterkreupelhout
Diastelloidea Luisspeldekussings Leucospermum pedunculatum Witspeldekussing
Conocarpodendron Boomspeldekussiing Leucospermum pluridens Robinsonkreupelhout
Tumiditubus Grootbuisspeldekussing Leucospermum praecox Rooivlamspeldekussing
Cardinistyle Vuurwerkspeldekussings Leucospermum praemorsum Nardouwluisiesbos
Tumiditubus Grootbuisspeldekussing Leucospermum profugum Piketbergspeldekussing
Diastelloidea Luisspeldekussings Leucospermum prostratum Geelrankspeldekussing
Cardinistyle Vuurwerkspeldekussings Leucospermum reflexum Perdekopspeldekussing
Leucospermum Sandveldspeldekussings Leucospermum rodolentum Sandveldluisiesbos
Diastelloidea Luisspeldekussings Leucospermum royenifolium Oostelike speldekussing
Crinitae Plat speldekussings Leucospermum saxatile Karoospeldekussing
Crassicaudex Silindriese speldekussing Leucospermum saxosum Spitsblaarspeldekussing
Diastelloidea Luisspeldekussings Leucospermum secundifolium Rankspeldekussing
Tumiditubus Grootbuisspeldekussing Leucospermum spathulatum Sederbergspeldekussing
Leucospermum Sandveldspeldekussings Leucospermum tomentosum Saldanhaspeldekussing
Brevifilamentum Pronkspeldekusing Leucospermum tottum Oranjerooispeldekussing
Diastelloidea Luisspeldekussings Leucospermum truncatulum Kleinkopspeldekussing
Tumiditubus Grootbuisspeldekussing Leucospermum truncatum Kalksteenspeldekussing
Tumiditubus Grootbuisspeldekussing Leucospermum utriculosum Breederivier-speldekussing
Brevifilamentum Pronkspeldekusing Leucospermum vestitum Bergluisie
Diastelloidea Luisspeldekussings Leucospermum winteri Riversdalspeldekussing
Diastelloidea Luisspeldekussings Leucospermum wittebergense Swartbergspeldekussing

Verwysings

[wysig | wysig bron]
  1. ↑ "Leucospermum R.Br". Tropicos.
  2. ↑ Rourke, John Patrick (1970). Taxonomic Studies on Leucospermum R.Br (PDF). Geargiveer vanaf die oorspronklike (PDF) op 15 Maart 2022. Besoek op 13 April 2020.