Liniëring (geologie)

’n Rekliniëring binne ’n skuifsone in die Glengarrybekken, Australië. ’n Duidelike asimmetriese verskuiwing het die konglomeraat klippe in sigaarvormige stawe gerek.

Liniërings in geologie is lynagtige strukturele eienskappe in gesteentes^[1] wat veroorsaak word deur tektoniese prosesse. Verskeie soorte liniërings kom voor: Die algemeenstes is kruis-, kartel-, minerale- en rekliniërings.

Kruisliniërings is liniêre strukture wat gevorm word deur die kruising van enige twee oppervlakke met ’n verskillende oriëntering in ’n driedimensionele ruimte. Dit word gemeet in verhouding tot die twee strukture wat mekaar kruis.

Rekliniërings kom voor vanweë die verskuiwing van rotse tydens die asimmetriese vervorming van ’n rotsmassa. Dit kan sigaarvormige stawe tot gevolg hê wat parallel lê met die rigting van die verskuiwingskrag. ’n Verkorting van die rotslae kom terselfdertyd voor loodreg met die rigting van die verskuiwing.

Verwysings

1. Parker, Sybil (1994). Dictionary of Geology and Mineralogy. McGraw Hill.

Eksterne skakels

• Hierdie artikel is vertaal uit die Engelse Wikipedia