Lorentzkrag

Lorentzkrag wat werk op vinnigbewegende gelaaide deeltjies in 'n borrel-kamer. Positiewe en negatiewe ladingstrajekte krom in teenoorgestelde rigtings.

Elektromagnetiese kragte het twee afsonderlike komponente – een wat voortspruit uit elektrostatiese krag, ook bekend as Coulomb se wet, en die ander as gevolg van magnetiese krag. Hierdie twee kragte kan gekombineer word om die Lorentzkrag te vorm.

Elektrostatiese krag

Die formule vir elektrostatiese krag is:^[1]

${\displaystyle \mathbf {F_{e}} =q\cdot \mathbf {E} }$

waarin

F_e die krag is wat die ladings op mekaar uitoefen, in SI uitgedruk in N (newton) of kg·m·s^–2,

q die ladings voorstel, in SI-eehede uitgedruk in C (coulomb) of As (ampere·sekonde),

E die elektriese veldsterkte is, in SI-eenhede uitgedruk in V/m (volts per meter).

Magnetiese krag

Die formule vir magnetiese krag is:^[2]

${\displaystyle \mathbf {F_{m}} =q\mathbf {v} \times \mathbf {B} }$

waarin

F_M die krag is wat die ladings op mekaar uitoefen, in SI uitgedruk in N (newton) of kg·m·s^–2,

q die elektriese lading van die deeltjie is, in SI-eehede uitgedruk in C (coulomb) of as (ampere-sekonde),

v die snelheid van die deeltjie is, in SI uitgedruk in meter per sekonde,

B die magnetiese sterkte is, in SI uitgedruk in T (tesla).

Lorentzkrag

In fisika (veral in elektromagnetisme) is die Lorentzkrag 'n kombinasie van elektriese en magnetiese krag op 'n puntlading as gevolg van elektromagnetiese velde. 'n Deeltjie van lading q wat met snelheid v beweeg in die teenwoordigheid van 'n elektriese veld E en 'n magnetiese veld B ervaar 'n krag^[3]

${\displaystyle \mathbf {F_{L}} =\mathbf {F_{e}} +\mathbf {F_{m}} =\mathbf {E} +q\mathbf {v} \times \mathbf {B} }$

waarin

F_L die Lorentzkrag is, in SI uitgedruk in N (newton) of kg·m·s^–2.

Verwysings

1. Nave, CR. "Electric Field" (in Engels). Department of Physics and Astronomy, Georgia State University.
2. Semat, Henry; Katz, Robert. "Physics, Chapter 31: F , Chapter 31: Forces on Mo ces on Moving Char ving Charges and Curr ges and Currents" (PDF) (in Engels). University of Nebraska-Lincoln. p. 573.
3. Fitzpatrick, Richard (2 Februarie 2006). "The Lorentz Force" (in Engels). The University of Texas at Austin.