Lugmagbasis Swartkop
| Lugmagbasis Swartkop | |||
|---|---|---|---|
| |||
| Museumopedag by LMB Swartkop | |||
| IATA: geen – ICAO: FASK | |||
| Opsomming | |||
| Tipe lughawe | Militêr | ||
| Operateur | Suid-Afrikaanse Lugmag | ||
| Ligging | Centurion, Gauteng | ||
| Gebou | April 1921 | ||
| Huisves | Suid-Afrikaanse Lugmagmuseum | ||
| Hoogte bo seevlak | 4 780 vt / 1 457 m | ||
| Koördinate | 25°48′25″S 28°9′52″E / 25.80694°S 28.16444°O | ||
| Landkaart | |||
  FASK | |||
| Aanloopbane | |||
| Rigting | Lengte | Oppervlak | |
| vt | m | ||
| 02/20 | 6 520 | 1 987 | Teer |
| 06/24 | 6 589 | 2 008 | Gras |
Lugmagbasis Swartkop (ICAO: FASK) is 'n militêre lugmagbasis van die Suid-Afrikaanse Lugmag geleë in Centurion, Gauteng aan die suidekant van Pretoria.[1] Dit is Suid-Afrika se oudste lugmagbasis en huisves die Suid-Afrikaanse Lugmagmuseum. Dit word as 'n deel van Lugmagbasis Waterkloof bestuur.[2]
Geskiedenis
[wysig | wysig bron]Lugmagstasie Zwartkop is in April 1921 gestig op 'n private plaas met die naam Zwartkop wat deur die Regering in 1920 aangekoop is. Die lugmagstasie is opgegradeer tot 'n lugmagbasis op 1 Februarie 1968.[3] Die naam van die basis is terug verander na "Zwartkop" in 2012.
Die SALM beweer Swartkop is die tweede oudste lugstasie in die wêreld en die oudste operasionele lugstasie in die wêreld.[4] Deur die jare was baie onderskeide eskaders gebaseer op Swartkop. Dit sluit 26 Eskader (SALM) in, wat op 24 Augustus 1942 hier gestig is.[5]
Die Suid-Afrikaanse Lugmagmuseum wat verskuif is na LMB Swartkop is in 1993 amptelik geopen deur die Hoof van die Suid-Afrikaanse Lugmag.[6] Die Lugmagbasis keer terug na lugmagstasie-status in 1999. Die besluit is deur die Suid-Afrikaanse Lugmag geneem om die basis te ontruim, maar die Suid-Afrikaanse Lugmagmuseum daar te laat. Die vliegveld sou as 'n uitbreiding van Lugmagbasis Waterkloof behou word. Die SALM Museum Historiese-vlug het ook na die vliegveld verskuif.
Teen Desember 2013 het die Lugmag nog nie alle operasionele eenhede op die basis ontruim nie. Tans beset die Suid-Afrikaanse Lugmagmuseum die noordekant van die basis terwyl aktiewe SALM-eenhede steeds op die suidekant van die basis gestasioneer is. [7]
Galery
[wysig | wysig bron]-
'n SALM Mirage F1 word vertoon by die Suid-Afrikaanse Lugmagmuseum. -
'n Cheetah C by die Suid-Afrikaanse Lugmagmuseum. -
-
SALM Blackburn Buccaneer op statiese vertoon met sy munisievrag en Blue Parrot-radarstelsel
Suid-Afrikaanse Lugmaggedenkteken
[wysig | wysig bron]
- Die hoofartikel vir hierdie afdeling is: Suid-Afrikaanse Lugmag-gedenkteken.
Die Suid-Afrikaanse Lugmaggedenkteken is geleë te LMB Swartkop. Dit huisves 'n ererol van SALM-lede wat gesneuwel het terwyl hulle Suid-Afrika gedien het.
Eksterne skakels
[wysig | wysig bron]- Swartkop Lugmagbasis
- Swartkop SAAF Museum website Geargiveer 24 November 2009 op Wayback Machine
Verwysings
[wysig | wysig bron]- ↑ "World Aeronautical Database" (in Engels). Geargiveer vanaf die oorspronklike op 18 Augustus 2019. Besoek op 12 Junie 2009.
- ↑ "LMB Waterkloof". Suid-Afrikaanse Lugmag. Geargiveer vanaf die oorspronklike op 24 September 2008. Besoek op 12 Junie 2009.
- ↑ http://www.saairforce.co.za/the-airforce/bases/9/zwartkop
- ↑ "SAAF online news archive 2005". Suid-Afrikaanse Lugmag. Geargiveer vanaf die oorspronklike op 14 Mei 2009. Besoek op 12 Junie 2009.
- ↑ "26 Squadron SAAF (WW2)" (in Engels). Geargiveer vanaf die oorspronklike op 28 Oktober 2019. Besoek op 25 Mei 2014.
- ↑ "History of the South African Air Force". Suid-Afrikaanse Lugmag. Geargiveer vanaf die oorspronklike op 5 Mei 2012. Besoek op 12 Junie 2009.
- ↑ http://www.saairforce.co.za/the-airforce/bases/9/zwartkop
| Hierdie artikel is in sy geheel of gedeeltelik vanuit die Engelse Wikipedia vertaal. |
