Lunar Orbiter 4
Lunar Orbiter 4, gelanseer op 4 Mei 1967, was 'n onbemande ruimtetuig as deel van NASA se maanwentelprogram. Nadat die drie vorige ruimtetuie van die program die doelwit bereik het om geskikte moontlike landingsplekke vir die Apollo-program te identifiseer, het Lunar Orbiter 4 'n meer algemene doelwit gehad. Die doelwit was om: "perform a broad systematic photographic survey of lunar surface features in order to increase the scientific knowledge of their nature, origin, and processes, and to serve as a basis for selecting sites for more detailed scientific study by subsequent orbital and landing missions". Dit was ook toegerus om maangrond, radiasie intensiteit en mikro-meteoroïdise impak data te versamel.
Die ruimtetuig was in 'n vrye-terugkeer[lower-alpha 1] baan na die maan gestuur en by die maan in 'n hoë elliptiese wentelbaan om die maan geplaas, amper oor die maan se pole, om data in te samel. Die ruimtetuig se wentelbaan was 2,706 by 6,111 km. teen 'n inklinasie van 85.5 grade en met 'n periode van 12 ure.
Nadat die aanvanklike fotografie op 11 Mei 1967 goed begin het, het probleme sy kop uitgesteek met die kamera se termiese deur. Dit het nie goed gereageer op instruksies om oop en toe te maak nie. Daar was gevrees dat die deur in die toe posisie sal vassteek en daar is toe besluit dat die deur in die oop-posisie moet bly anders sal die lense bedek wees. Dit het ekstra posisie koördinering vereis met elke omwenteling om te verhoed dat lig die kamera binnedring en die film ruïneer. Daar was op 13 Mei ontdek dat lig wel die kamera binnegedring en 'n gedeelte van die film beskadig het. Die deur gevolglik weer getoets en gedeeltelik oopgehou. Daar was ook 'n vog probleem met die lens, daar was vermoed dat die kondensasie veroorsaak is deur die laer temperature. Veranderinge in die ordinering van die ruimtetuig het veroorsaak dat die temperatuur van die kamera gestyg het en die vog probleem het grootliks verdwyn. Probleme met die meganisme wat die foto's moet lees is ook ondervind vanaf 20 Mei en daar is besluit op 26 Mei om die fotografiese gedeelte van die sending te staak. Tog was die hele film gelees en na die Aarde versend. Die ruimtetuig het foto's geneem van 11 Mei tot 26 Mei en sending na die Aarde het tot 1 Junie 1967 geduur. Die wentelbaan is toe verlaag om wentelbaan vir die komende Lunar Orbiter 5-sening in te win.
Daar was 419 hoë-resolusie en 127 medium-resolusie foto's geneem en na die Aarde gestuur. Dit het 99% van die Maan se naby-kant gedek met resolusies wat wissel van 58 tot 134 m. Daar was ook akkurate data vanaf die ander eksperimente verkry regdeur die duur van die sending. Radiasie data het verhoogde lesings gewys wat toegeskryf is aan die son deeltjies aktiwiteite wat lae energie protons geproduseer het. Die ruimtetuig het aanhou opnames maak totdat dit met die maan gebots het op 31 Oktober 1967 as gevolg van natuurlike agteruitgang van sy wentelbaan. Die impak posisie was tussen 22-30 grade W lengtegraad.
Notas
[wysig | wysig bron]- ↑ 'n Baan wat verseker dat die maan se aantrekkingskrag die ruimtetuig terug slinger na die aarde.
Verwysings
[wysig | wysig bron]| Hierdie artikel is in sy geheel of gedeeltelik vanuit die Engelse Wikipedia vertaal. |
