M1 Garand-geweer
 M1 Garand met aanknip-ammunisiemagasyne. | |
| Tipe | Semi-outomatiese geweer |
|---|---|
| Oorsprong | Verenigde State |
| Diensgeskiedenis | |
| In gebruik | 1936–huidig (vir V.S. militêre opleiding en paradewerk) |
| Gebruik deur | Wêreldwyd |
| Oorloë | Tweede Wêreldoorlog Korea-oorlog 1948 Arabies–Israelse oorlog Eerste Indo-Sjinese oorlog Suezkrisis Viëtnamoorlog Kambodjaanse burgeroorlog Noord-Ierlandse geskille Verskeie konflikte oor die hele wêreld heen. |
| Produksiegeskiedenis | |
| Ontwerper | John Garand |
| Ontwerp | 1932 |
| Vervaardiger | Springfield Armory Winchester Wapens Harrington & Richardson International Harvester Beretta Breda |
| Vervaardig | 1936–1957 |
| Aantal gebou | Ongeveer 6 miljoen |
| Variante | M1C, M1D |
| Spesifikasie | |
| Massa | 4.31 tot 5.3 kg (9.5 tot 11.6 pond) |
| Lengte | 1 100 mm (43.5 duim) |
| Looplengte | 609.6 mm (24 duim) |
| Patroon | * .30-06 Springfield (7.62x63mm) * 7.62x51mm NAVO (.308 Winchester) gebruik deur Amerikaanse Vloot |
| Aksie | Gasgedrewe outomatiese herlaai, roterende sluitstuk |
| Trompsnelheid | 853 m/s (2,800 vt/s) |
| Normale vuurafstand | 457 m (500 treë) |
| Voermetode | 8-rondte ingeboude aanknip-ammunisiemagasyn |
| Agtervisier: venstertipe; voorste visier: vleuelbeskermde pos | |
Die M1 Garand[nb 1] is 'n .30 kaliber halfoutomatiese geweer wat die VSA se diensgeweer was tydens die Tweede Wêreldoorlog en die Koreaanse Oorlog (dit het ook 'n beperkte diens gelewer tydens die Viëtnamoorlog). Die meeste M1-gewere was uitgereik aan die Amerikaanse Gewapende Magte, hoewel baie honderdduisende ook as buitelandse hulp aan Amerika se bondgenote gelewer is. Die Garand word nog steeds gebruik deur drilpeletons en militêre erewagte. Dit word ook wyd gebruik deur siviele persone vir jag, skyfskiet, en as 'n militêre versamelstuk.
Die M1 het die slotaksie-M1903-Springfield as die standaard-Amerikaanse diensgeweer in die middel van die 1930's vervang, en is self deur die selektiewevuur-M14-geweer in die vroeë 1960's vervang.
Die M1-geweer is genoem na sy ontwerper, John Garand. Dit was die eerste standaarduitgawe semi-outomatiese militêre geweer.[1] Volgens alle verslae het die M1-geweer met lof gedien. Generaal George S. Patton noem dit "die grootste gevegswapen wat ooit uitgedink is".[2][3]
Notas
[wysig | wysig bron]- ↑ Amptelik aangewys as die Amerikaanse geweer, .30 kaliber, M1, later net genoem Geweer, .30 Kaliber, M1, ook genoem US Rifle, Cal. .30, M1
Verwysings
[wysig | wysig bron]- ↑ Hogg, Ian V., & Weeks, John.
- ↑ HISTORY OF THE SPRINGFIELD ARMORY Springfield Armory National Historic Site
- ↑ Pendergast, Sara (2000). "Firearms". St. James Encyclopedia of Popular Culture. St. James Press. ISBN 1-55862-405-8.
