Maas (voedsel)

Maas

Subklas van	Jogurt

Amasi (in Ndebele, Zoeloe en Xhosa), maas (in Afrikaans), of mafi (in Sesotho), is 'n gefermenteerde melkproduk wat soortgelyk is aan maaskaas of gewone jogurt. Dit is 'n gewilde versnapering in Suid-Afrika en Lesotho.

Voorbereiding

Maas word tradisioneel voorberei deur ongepasteuriseerde koeimelk in 'n kalbashouer te stoor of leersak om dit te laat fermenteer. Melk word by die koei gemelk, en word in 'n velsak of emmer gesit, waar dit fermenteer en 'n skerp suur smaak verkry.^[1] Die fermenterende melk ontwikkel 'n waterige stof genaamd umlaza; die res is amasi. Hierdie dik vloeistof word meestal oor mieliepap gegooi.^[2] Dit word tradisioneel in 'n kleipot bedien en dit kan ook gedrink word. Amasi word ook kommersieel vervaardig met behulp van Lactococcus lactis, saam met subspesies van L. lactis.

In kultuur

Zoeloe

Tradisioneel glo Zoeloes dat amasi 'n man sterk, gesond en begeerlik maak. Tydens "taboes", soos tydens menstruasie of wanneer 'n persoon met die dood in aanraking was, moet die geaffekteerde persoon nie amasi nuttig nie. Melk word amper nooit vars gedrink nie, maar dit word soms gebruik om amasi te verdun wat as te dik beskou word om gebruik te word.^[3]

Xhosa

In die Xhosa-kultuur word 'n bruid met amasi en 'n stuk vleis, wat uTsiki genoem word, bedien as 'n teken van verwelkoming in haar nuwe familie.

Verwysings

1. "AMASI".
2. "Umphokoqo - crumbly mealie pap with amasi | Food & Home Entertaining". www.foodandhome.co.za (in Engels). 14 Julie 2017. Besoek op 18 September 2017.
3. Megan Russell; Tamlin Armstrong; Sarah Dawson. "Diet [of the Zulu people]". Thinkquest. Geargiveer vanaf die oorspronklike op 2 Januarie 2007. Besoek op 18 Januarie 2007.