Maastricht (tydperk)
| Periode/ sisteem |
Epog/ serie |
Tydsnede/ etage |
M. jaar gelede | ||
|---|---|---|---|---|---|
| Paleogeen | Paleoseen | Danium | jonger | ||
| Kryt | Laat | Maastricht | 66,0–72,1 | ||
| Campanium | 72,1–83,6 | ||||
| Santonium | 83,6–86,3 | ||||
| Coniakium | 86,3–89,8 | ||||
| Turonium | 89,8–93,9 | ||||
| Senomanium | 93,9–100,5 | ||||
| Vroeg | Albium | 100,5–~113,0 | |||
| Aptium | ~113,0–~125,0 | ||||
| Barremium | ~125,0–~129,4 | ||||
| Hauterivium | ~129,4–~132,9 | ||||
| Valanginium | ~132,9–~139,8 | ||||
| Berriasium | ~139,8–~145,0 | ||||
| Jura | Laat | Titonium | ouer | ||
| Die verdeling van die Kryt (IKS). | |||||
Die Maastricht of Maastrichtium is die laaste chronostratigrafiese etage sowel as geologiese tydsnede van onderskeidelik die sisteem en periode Kryt (serie/epog Laat Kryt). Dit verwys dus na ’n tydperk sowel as die gesteentes wat in dié tydperk gevorm het.
Die tydperk was van sowat 72,1 tot 66 miljoen jaar gelede[1] en is voorafgegaan deur die Campanium. Die einde van die Maastricht was ook die einde van die Mesosoïese Era: dit is gevolg deur die eerste etage/tydsnede van die Paleogeen-periode en die huidige Kainosoïese Era, die Danium.
Naam en definisie
[wysig | wysig bron]Die Maastricht is in 1849 deur die Belgiese paleontoloog André Dumont genoem na Maastricht in Limburg, Nederland. Hoewel die oorspronklike tipeligging van die etage dus by dié stad is, het dit later geblyk nie die hele Maastricht-etage is aanwesig in dié stratigrafie nie. Die globale stratotipepunt lê dus in ’n meer volledige seksie langs die rivier Adour in Frankryk.
Die basis van die etage word gedefinieer deur ’n kompleks van 12 biostratigrafiese kriteria, waaronder die vroegste voorkoms van die ammoniet Pachydiscus neubergicus en die belemniet Belemnella lanceolata. Die bokant, en daarmee die einde van die Mesosoïkum, word gedefinieer deur die Kryt-Paleogeen-uitwissing, ’n massauitwissing waarin onder meer die ammoniete en dinosourusse uitgesterf het. In die geologie kan dit gesien word in ’n laag ryk aan iridium, wat waarskynlik afkomstig was van die meteoriet-impak wat die uitwissing veroorsaak het.
Sien ook
[wysig | wysig bron]Verwysings
[wysig | wysig bron]- ↑ (en) Gradstein, F.M.; Ogg, J.G.; Schmitz, M.D. & Ogg, G.M.; 2012: A Geologic Time Scale 2012, Elsevier, ISBN 0444594256.
| Proterosoïkum | Fanerosoïese Eon | |||||||||||
|---|---|---|---|---|---|---|---|---|---|---|---|---|
| Neoproterosoïkum | Paleosoïese Era | Mesosoïese Era | Kainosoïese Era | |||||||||
| Ediacarium | Kambrium | Ordovisium | Siluur | Devoon | Karboon | Perm | Trias | Jura | Kryt | Paleogeen | Neogeen | Kwartêr |