Madhuri Dixit

Madhuri Dixit
'n Beeld van die betrokke persoonlikheid.
Madhuri Dixit by die bekendstelling vir Emeralds for Elephants
Geboorte 15 Mei 1967 (1967-05-15) (57 jaar oud)
Moembaai, Maharashtra, Indië
Nasionaliteit Indiër
Aktiewe jare 1984–2002
2007–teenwoordig
Webwerf http://www.madhuridixit-nene.com
Internet-rolprentdatabasis-profiel

Madhuri Dixit (* 15 Mei 1967) is 'n Indiese aktrise wat beroemd is vir haar werk in Bollywoodrolprente.[1] Sy het 'n paar Filmfare-toekennings ontvang, vier vir "Beste Aktrise" en een vir "Beste Byspeler". Sy hou die rekord vir die meeste "Beste Aktrise"-nominasies (13) by Filmfare. In 2008 het die Regering van Indië haar met die Padma Shri bekroon, wat die vierde hoogste burgerlike toekenning in Indië is.[2]

Lewensloop

[wysig | wysig bron]

Dixit is op 15 Mei 1967 in Moembaai gebore. Sy het aan die Universiteit van Moembaai studeer om 'n loopbaan in mikrobiologie te volg. Sy is ook 'n opgeleide Kathak-danser.

In 1984 maak sy haar debuut in Bollywood met die rolprent Abudh. In 1988 het sy haar eerste deurbraak met die rolprent Tezaab gehad, dié fliek het ook haar loopbaan in die bedryf gevestig. Sedertdien het sy ook in rolprente soos Dil, Beta, Khalnayak, Raja, Dil To Pagal Hai, Hum Hain Tumhare Sanam, Devdas en Aaja Nachle opgetree.

Ná haar werk in die rolprent Devdas, het sy haar loopbaan verlaat om op haar gesinslewe te fokus, maar in 2007 het sy met die rolprent Aaja Nachle teruggekeer.

Sy is met dr. Shriram Madhav getroud en hulle het twee kinders.[3]

Bronne

[wysig | wysig bron]
  1. ↑ "Madhuri Dixit Biography" (in Engels). Geargiveer vanaf die oorspronklike op 26 Maart 2020. Besoek op 25 September 2012.
  2. ↑ Afsana Ahmed & Smrity Sharma (4 Mei 2008). "Madhuri Dixit recives Padma Shree" (in Engels). Times of India. Geargiveer vanaf die oorspronklike op 7 Januarie 2014. Besoek op 25 September 2015.
  3. ↑ Goldenberg, Suzanne (8 November 1999). "Heartbreak for millions as Indian film idol weds". The Guardian (in Engels). London. Geargiveer vanaf die oorspronklike op 14 Mei 2010. Besoek op 25 September 2012.