Malibu, Kalifornië

City of Malibu
Malibu se Stille Oseaan-kuslyn
Malibu se Stille Oseaan-kuslyn
Malibu se Stille Oseaan-kuslyn
Wapen van City of Malibu
Wapen
Ligging in Los Angeles Country
Ligging in Los Angeles Country
Ligging in Los Angeles Country
Land Vlag van Verenigde State van Amerika Verenigde State van Amerika
Deelstaat Kalifornië
County Los Angeles County
Geïnkorporeer op 28 Maart 1991
Regering
 - Burgemeester Jefferson "Zuma Jay" Wagner
Oppervlakte
 - Totaal 51,354 km² (19,8 myl²)
Bevolking (2010)
 - Totaal 12 645
 - Digtheid 246/km² (637,1/myl²)
ZIP code 90263, 90264, 90265
Areakode(s) 310, 424
Webwerf: malibucity.org

Malibu [ˈmælɨbuː] (amptelik: City of Malibu) is 'n welgestelde stranddorp in die Los Angeles-distrik (Los Angeles County) van die Amerikaanse deelstaat Kalifornië met 'n bevolking van 12 645 volgens die sensus van 2010. Dit is op 28 Maart 1991 geïnkorporeer en word geadministreer as 'n stad en munisipaliteit volgens algemene reg.[1] Branderplankryers en inwoners verwys na Malibu dikwels kort as the 'Bu.

'n Satellietfoto van die Woolsey-bosbrand op 9 November 2018. 'n Digte rookwolk hang oor die Stille Oseaan

Malibu bestaan uit 'n 34 km lange landstrook langs die Suid-Kaliforniese Stille Oseaankus. Die nedersetting word verbind met 'n warm klimaat, uitgestrekte sandstrande en talle Hollywood-rolprentsterre en ander bekende persoonlikhede uit die vermaaklikheidsbedryf wat hier hul strandwonings laat bou of gekoop het.

Die grootste deel van Malibu se bevolking woon aan weerskante van die Pacific Coast Highway (amptelik Kaliforniese Staatsroete 1 of California State Route 1) wat deur die nedersetting loop. 'n Kleiner persentasie inwoners word in wonings gehuisves wat tot een myl van die strand af in nou canyons ontstaan het. Die nedersetting word daarnaas begrens deur Topanga in die ooste, die Santa Monica-berge, Agoura Hills, Calabasas en Woodland Hills in die noorde, die Stille Oseaan in die suide, en die distrik Ventura County in die weste.

Laat in 2018 is sowat 650 woonhuise in die verwoestende Woolsey-brand vernietig.[2]

Verwysings

[wysig | wysig bron]
  1. ↑ Nota: Vir nedersettings in Kalifornië word die terme stad (city) en dorp (town) as sinonieme gebruik. Die munisipale bevoegdhede van nedersettings volgens algemene reg word deur die deelstaat se Government Code (ook California Codes genoem) bepaal.
  2. ↑ Los Angeles Times, 5 Augustis 2019: Malibu wanted to crack down on huge mansions. But fire losses could bring even bigger homes. Besoek op 21 Augustus 2019