Maliekolder

'n Maliekolder.

'n Maliekolder is 'n Middeleeuse harnas wat bestaan uit metaalringetjies ("malies")[1] wat inmekaarskakel om 'n soort maas te vorm. Dit was tussen die 3de eeu v.C. en die 16de eeu n.C. in algemene gebruik in Europa, en langer in Asië en Noord-Afrika.

Geskiedenis

[wysig | wysig bron]
Albei kante van die "malies", of metaalringetjies. Die woord "malie" kom uit Nederlands.

Die vroegste voorbeelde van maliekolders wat bewaar gebly het, is in die Karpatebekken ontdek op 'n begrafnisterrein uit die 3de eeu v.C. in Horný Jatov, Slowakye, en in 'n hoofman se graf in Ciumești, Roemenië.[2][3][4] Die Kelte kry gewoonlik die eer vir die ontdekking daarvan,[5] maar daar is voorbeelde van stukkies Etruskiese maliemateriaal uit die 4de eeu v.C.[6][7][8]

Maliekolders is dalk geïnspireer deur die veel vroeëre geskubde harnas.[9][10] Dit het na Noord-Afrika, Wes-Afrika, die Midde-Ooste, Sentraal-Asië, Indië, Tibet, Suidoos-Asië en Japan versprei.

Herodotos het geskryf die antieke Perse het geskubde harnasse gedra, maar maliekolders word ook genoem in die Avesta, die antieke heilige skrif van die Persiese godsdiens Zoroastrisme wat in die 5de eeu v.C. deur die profeet Zoroaster gestig is.[11]

Malies word steeds in verskeie soorte moderne toerusting gebruik wat wissel van handskoene vir slagters en houtwerkers tot duikpakke wat teen haaibyte weerstand bied.

Verwysings

[wysig | wysig bron]
  1. ↑ "Maliekolder" in die WAT. Aanlyn by viva-afrikaans.org (intekening nodig). Besoek op 13 September 2021.
  2. ↑ "Celtic Chainmail | Brendan Mac Gonagle - Academia.edu".
  3. ↑ "Celtic chainmail – Balkan Celts".
  4. ↑ Rusu, M., "Das Keltische Fürstengrab von Ciumeşti in Rumänien", Germania 50, 1969, pp. 267–269
  5. ↑ The ancient world, Richard A. Gabriel, Greenwood Publishing Group, 2007 P.79 Geargiveer 1 Mei 2016 op Wayback Machine
  6. ↑ Oriental Armour, H. Russell Robinson, 1967 Walker and Co., New York, pp. 11-12
  7. ↑ Catalogue of the Exhibition of Ancient Helmets and Examples of Mail, William Burgess & Baron De Cosson
  8. ↑ Stone, G.C. (1934): A Glossary of the Construction, Decoration and Use of Arms And Armor in All Countries and in All Times, Dover Publications, New York
  9. ↑ Philip Sidnell, Warhorse: Cavalry in Ancient Warfare Geargiveer 6 Mei 2016 op Wayback Machine, Continuum International Publishing Group, 2006 ISBN 1-85285-374-3, p.159
  10. ↑ Robert E. Krebs, Carolyn A. Krebs, Groundbreaking Scientific Experiments, Inventions, and Discoveries of the Ancient World Geargiveer 12 Mei 2016 op Wayback Machine, Greenwood Publishing Group, 2003 ISBN 0-313-31342-3, p.309
  11. ↑ Laufer, Berthold (1 Januarie 1914). Notes on Turquois in the East (in Engels). Geargiveer vanaf die oorspronklike op 23 Desember 2017.

Skakels

[wysig | wysig bron]