Mary Read

Mary Read
’n Graveerwerk van Mary Read.
’n Graveerwerk van Mary Read.
Soort Seerower
Gebore 1685
Engeland
Oorlede 28 April 1721 (op 35-36)
Port Royal, Jamaika
Rede vir dood Natuurlike oorsake
Loopbaan
Jare aktief Omstreeks 1708-1721
Ander name Mark Read
Gebied Karibiese See

Mary Read (1685 - 28 April 1721), ook bekend as Mark Read, was ’n Engelse seerower. Sy en Anne Bonny is twee van die bekendste vroulike seerowers in die geskiedenis en van die min vroue wat sover bekend aan seerowery skuldig bevind is in die 18de eeu, wat die goue eeu van seerowery was.

Mary Read op ’n sigaretkaart.

Read is in 1685 in Engeland gebore. Sy het van jongs af soos ’n seun aangetrek, aanvanklik sodat haar ma erfgeld kon kry en as ’n tiener om by die Britse weermag aan te sluit. Sy is daarna getroud en het in 1715, ná haar man se dood, na die Wes-Indiese Eilande getrek. In 1720 het sy "Calico Jack" Rackham ontmoet en saam met Anne Bonny by sy bemanning aangesluit. Hulle het albei soos mans aangetrek om hulle geslag weg te steek.

Haar tyd as ’n seerower was kort, want sy, Bonny en Rackham is in November 1720 gevang. Hoewel Rackham gou tereggestel is, het beide Read en Bonny beweer hulle is swanger en hulle teregstelling is uitgestel. Read is in April 1721 dood, waarskynlik aan komplikasies van die swangerskap.

Dit is onbekend wat van Anne Bonny geword het, want daar is geen verdere rekords van haar nie.

Skakels

[wysig | wysig bron]