Mary Tyler Moore | |
![]() | |
Moore in 1993
| |
Geboorte | 29 Desember 1936 Brooklyn, New York |
---|---|
Sterfte | 25 Januarie 2017 Greenwich, Connecticut |
Nasionaliteit | Verenigde State van Amerika |
Beroep(e) | Akteur, komediant |
Aktiewe jare | 1953–2015 |
Internet-rolprentdatabasis-profiel |
Mary Tyler Moore (1936–2017) was 'n Amerikaanse aktrise en komediant. Sy was veral bekend vir haar rolle in The Mary Tyler Moore Show (1970–1977) en The Dick Van Dyke Show (1961–1966).
Mary Tyler Moore is op 29 Desember 1936 in Brooklyn, New York in die Verenigde State van Amerika gebore.
Moore speel van 1961 tot 1966 in die TV-komedie The Dick Van Dyke Show, wat haar eerste Golden Globe en twee Emmys oplewer. In 1967 behaal sy groot sukses met die speelfilm Thoroughly Modern Millie. In 1969 speel Moore teenoor Elvis Presley in sy laatste speelfilm, Change of Habit. Die fliek was egter nie suksesvol nie en Moore sou vir elf jaar nie weer in 'n rolprent speel nie.
Sy het wel van 1970 tot 1977 die hoofrol in (die na haar vernoemde) The Mary Tyler Moore Show vertolk, waarvoor sy haar tweede Golden Globe en vier Emmys ontvang.
In 1981 kry Moore haar derde Golden Globe en word sy vir 'n Oscar vir haar hoofrol in Ordinary People genomineer. Sy het uiteindelik meer as 25 pryse ontvang, waaronder haar sewende Emmy vir haar rol in die televisiefilm Stolen Babies.
Moore was drie keer getroud. Haar enige kind, 'n seun, is uit haar eerste huwelik gebore. Hy is in 1980 op 24-jarige leeftyd as gevolg van 'n ongeluk met 'n defektiewe pistool oorlede.
Sy skryf twee keer haar memoires. In die eerste (1995) beskryf sy haar stryd teen alkoholisme.[1] In die tweede (2009) skryf sy onder meer oor die invloed van diabetes mellitus (tipe 1-suikersiekte) op haar lewe.[2] Sy was aktief by fondsinsamelings ter bekamping van hierdie siekte betrokke, veral by kinders, en was die internasionale voorsitter van die Juvenile Diabetes Research Foundation.
Mary Tyler Moore is op 25 Januarie 2017 in Greenwich, Connecticut aan diabetes-verwante longontsteking oorlede. Sy was 80 jaar oud.[3]
*In vyf of meer episodes