Marylebone-krieketklub

Marylebone-krieketklub
Kenteken van die Marylebone-krieketklub
Kenteken van die Marylebone-krieketklub
Engelse naam Marylebone Cricket Club
Afkorting MCC
Gestig in 1787
Setel Lord’s, Londen, Engeland
Amptelike webwerf lords.org/mcc/the-club/our-history

Die Marylebone-krieketklub (Engels: Marylebone Cricket Club, afgekort: “MCC”) is ’n krieketklub wat in 1787 gestig is en sedert 1814 gesetel is op Lord’s, wat dit besit, in Londen, Engeland.[1] Dié klub was voorheen die beheerliggaam van krieket met ’n aansienlike wêreldwye invloed.

In 1788 het die MKK verantwoordelikheid vir die krieketwette geneem en elke jaar ’n hersiene weergawe gepubliseer. Veranderinge aan dié wette word deesdae deur die Internasionale Krieketraad (IKR) aangebring, maar die kopiereg is steeds in besit van die MKK.[2] Toe die IKR in 1909 gestig is, is dit deur die MKK se sekretaris bestuur en die MKK se president is tot in 1989 outomaties aangewys as die voorsitter van die IKR.[3][4]

Vir die meeste van die 20ste eeu, beginnende met die 1903/04-toer van Australië tot die 1976/77-toer van Indië het die MKK internasionale toere vir die Engelse nasionale span gereël rakende toetskrieket. Tydens dié toere het die Engelse span in nieinternasionale wedstryde as MKK verskyn. In 1993 is sy administratiewe en bestuursfunksies oorhandig aan die IKR en die Toets- en Countykrieketraad (Engels: Test and County Cricket Board, TCCB, nou die Engelse en Walliese Krieketraad, England and Wales Cricket Board, afgekort “ECB”).

Verwysings

[wysig | wysig bron]
  1. ↑ (en) Nirtika Pandita (5 Augustus 2022). "The oldest Cricket Clubs in the world | The pride of sport and the spirit are still alive". Buzztribe News. Geargiveer vanaf die oorspronklike op 19 Oktober 2022. Besoek op 19 Oktober 2022.
  2. ↑ (en) "Laws of Cricket". Marylebone-krieketklub. 2016. Geargiveer vanaf die oorspronklike op 29 Augustus 2017. Besoek op 29 Augustus 2017.
  3. ↑ (en) "1989 – present". Internasionale Krieketraad. Besoek op 19 Desember 2023.
  4. ↑ (en) "International Cricket Council". Internasionale Krieketraad. Besoek op 19 Desember 2023.

Eksterne skakels

[wysig | wysig bron]