Matriargie
Die term matriargie verwys na 'n familie, nasie of bevolkingsgroep wat deur vroue gelei word. In sommige gevalle lei die matriarg die volk op geestelike of morele vlak, terwyl die politieke gebied deur mans oorheers word. Koningin Elizabeth word deur sommige ook as 'n matriarg beskou, alhoewel sy ook 'n monarg is.
"Matriargie" beteken letterlik "die heerskap van die moeder" en is saamgestel uit die Latynse mater ("moeder") en die Griekse archein ("heers, reël") of archē ("opperste-, eerste-", "staan boaan". Dit is na analogie van patriargie, wat 'n baie ouer term is.
Matriargale samelewings
[wysig | wysig bron]In matriargale samelewings woon vroue in die volk apart van die mans. Die vroue kies hulle mans uit die volk en wie die pa's van hul kinders moet wees. Familielyne word deur die vroue se lyn gevolg en nie deur die mans s'n nie. Vroue erf deur 'n familielyn van mekaar, in teenstelling met mans wat tradisioneel hierdie rol vervul.
Die Minangkabau in Wes-Sumatra, Indonesië, is 'n volk van 4 miljoen mense wat deur 'n matriarg beheer word, die grootste ter wêreld.[1]
Daar is ses hoofgroepe in die wêreld wat tans so bestuur word:
- Mosuo
- Minangkabau
- Akan
- Bribri
- Garo
- Nagovisi
In die natuur is diere soos olifante, bye en miere ook afhanklik van die leiding van matriarge.
Sien ook
[wysig | wysig bron]Verwysings
[wysig | wysig bron]Eksterne skakels
[wysig | wysig bron]
Wikimedia Commons het meer media in die kategorie Matriargie.
