Matthew C. Perry

Matthew Calbraith Perry[1] (10 April 1794 – 4 Maart 1858) was 'n kommandeur in die Amerikaanse Vloot, en die bevelvoerder van 'n aantal oorlogskepe in verskeie oorloë, insluitende die Anglo-Amerikaanse Oorlog van 1812 en die Meksikaans-Amerikaanse Oorlog.[2]

Hy het 'n leidende rol gespeel in die Bakumatsu (die opening van Japan aan die Weste) met die Konvensie van Kanagawa in 1854.

Perry was geïnteresseerd in die opvoeding van vlootoffisiere en het bygestaan in die ontwikkeling van 'n vakleerlingstelsel wat bygedra het in die vestiging van die kurrikulum by die Verenigde State Vlootakademie van die Amerikaanse Vloot.

Met die koms van die stoomenjin het hy 'n belangrike voorstaander geword van die modernisering van die Amerikaanse Vloot; en is hy in die Verenigde State beskou as "Die Vader van die Stoomvloot".

Verwysings

[wysig | wysig bron]
  1. ↑ Perry se middelnaam word dikwels verkeerdelik gespel as Galbraith, in stede van Calbraith.
  2. ↑ Wat op 25 April 1846 met die Meksikaanse aanval op Fort Texas begin het, en op 2 Februarie 1848 met die anneksasie van Arizona, Kalifornië, Nevada, Utah en dele van Colorado, Nieu-Meksiko en Wyoming deur die VSA geëindig het.

Notas

[wysig | wysig bron]
Hierdie artikel is in sy geheel of gedeeltelik vanuit die Engelse Wikipedia vertaal.