Melanorosaurus

Melanorosaurus Tydperk: Laat Trias 201–190 m. jaar gelede T J K Pg N
’n Voorstelling van Melanorosaurus readi.
Wetenskaplike klassifikasie
Koninkryk:	Animalia
Filum:	Chordata
Klas:	Sauropsida
Superorde:	Dinosauria
Orde:	Saurischia
Suborde:	†Sauropodomorpha
Familie:	†Melanorosauridae
Genus:	†Melanorosaurus (Haughton, 1924)
Spesies
†M. readi †M. thabanensis

Melanorosaurus ("Swartbergreptiel", van die Grieks μέλας melas, "swart", ὄρος oros, "berg" en σαῦρος sauros, "reptiel") is ’n genus van basale souropodomorf-dinosourusse wat in die Laat Trias-periode geleef het. Dit was ’n plantvreter van Suid-Afrika met ’n groot lyf en stewige bene, wat daarop dui dat dit op al vier pote geloop het.

Die bene van die ledemate was baie groot en swaar, soos dié van 'n tipiese souropode.

Ontdekking

Die tipe-voorbeelde, SAM 3449 en SAM 3450, is in 1924 deur Sidney Henry Haughton beskryf en benaam. Dit is ontdek in die laer-Elliot-formasie van die Stormberg-groep in die Karoobekken van Suid-Afrika. Dit kom uit die vroeë Norium-tydsnede en is gevind teen die noordelike helling van Thaba 'Nyama (Swartberg) in Transkei, Suid-Afrika.^[1] Die eerste volledige skedel van Melanorosaurus is in 2007 beskryf.^[2] Twee spesies is tans bekend: M. readi, die tipe-spesie, en M. thabanensis, wat in 1993 deur François-Xavier Gauffre ’n naam gegee is, gebaseer op die holotipe, MNHN LES-16, ’n femur wat in die boonste Elliot-formasie van die Laat Jura gevind is.^[3]

Klassifikasie

Alhoewel Melanorosaurus eens as ’n Prosauropoda geklassifiseer is, word die prosouropodes nie meer as ’n natuurlike groep erken nie. Volgens sommige definisies is Melanorosaurus ’n vroeë Sauropoda.

Verwysings

1. S.H. Haughton, 1924, "The fauna and stratigraphy of the Stormberg Series", Annals of the South African Museum 12 : 323-497
2. Yates, Adam M., "The first complete skull of the Triassic dinosaur Melanorosaurus Haughton (Sauropodomorpha: Anchisauria)". In Barrett & Batten (eds.), Evolution and Palaeobiology (2007), pp. 9–55.
3. F.-X. Gauffre, 1993, "The most recent Melanorosauridae (Saurischia, Prosauropoda), Lower Jurassic of Lesotho, with remarks on the prosauropod phylogeny", Neues Jahrbuch für Geologie und Paläontologie Monatshefte 1993(11): 648-654

• Galton PM, Van Heerden J, Yates AM (2005). "Postcranial Anatomy of Referred Specimens of Melanorosaurus". In Carpenter, Kenneth and Tidswell, Virginia (red.). Thunder Lizards: The Sauropodomorph Dinosaurs. Indiana University Press. pp. 1–37. ISBN 0-253-34542-1.