Molekulêre sif

'n Molekulêre sif (soms kortweg 'n molsif genoem) is 'n materiaal wat klein porieë bevat met 'n eenvormige en presiese grootte wat gebruik kan word as 'n adsorbent vir gasse en vloeistowwe.

Molekules wat klein genoeg is gaan deur die porieë en word geadsorbeer terwyl groter molekules nie geadsorbeer word nie. Dit verskil van 'n gewone filter in die sin dat die werking op 'n molekulêre vlak geskied. 'n Water molekule kan byvoorbeeld klein genoeg wees om deur te gaan terwyl groter molekules nie sal ingaan nie. Om hierdie rede kan molekulêre siwwe dikwels as droogmiddel gebruik. 'n Molekulêre kan gewoonlik meer as 22% van sy gewig in water adsorbeer.^[1]

Molekulêre siwwe bestaan dikwels uit aluminiumsilikaat minerale, klei, poreuse glase, mikroporeuse houtskool, zeoliete, geaktiveerde koolstof of sintetiese stowwe wat oop strukture het waardeur klein molekules soos stikstof en water kan diffundeer.

Molekulêre siwwe word dikwels in die petrochemiese nywerhede ingespan, veral vir die suiwering van gasstrome en in die chemiese laboratorium vir die skeiding van stowwe en die uitdroog van reaksiemateriale. Die kwik-inhoud van aardgas is uiters skadelik vir aluminiumpype en ander dele van vervloeiingsaanlegte – silika jel word in hierdie geval as adsorbent gebruik.

Metodes vir die hergenerering van molekulêre siwwe sluit in drukverandering (soos in suurstofskeiers), verhitting en die deurblaas van 'n draergas (soos wat gebruik word met die dehidrasie van etanol brandstof) of verhitting onder 'n hoë vakuum.

Adsorpsie vermoëns^[2][3]

• 3A (porie grootte 3 Å): Adsorbeer NH₃, H₂O, (nie C₂H₆), geskik vir die droging van polêre vloeistowwe.
• 4A (porie grootte 4 Å): Adsorbeer H₂O, CO₂, SO₂, H₂S, C₂H₄, C₂H₆, C₃H₆, EtOH. Sal nie C₃H₈ en langer koolwaterstowwe adsorbeer nie. Geskik vir die droging van nie-polêre vloeistowwe en gasse.
• 5A (porie grootte 5 Å): Adsorbeer normale (lineêre) koolwaterstowwe tot by n-C₄H₁₀, alkohole tot by ₄H₉OH, merkaptane tot by C₄H₉SH. sal nie isomeriese verbindings of ringverbindings groter as C₄ adsorbeer nie.
• 10X (porie grootte 8 Å): Adsorbeer vertakte koolwaterstowwe en aromatiese verbindings. Nuttig vir die droging van gasse.
• 13X (pore size 10 Å): Adsorbeer di-n-butielamien (nie tri-n-butielamien nie). Nuttig vir die droging van HMPA.

Verwysings

1. "Molecular sieve,and molecular sieves study". Geargiveer vanaf die oorspronklike op 22 Julie 2009. Besoek op 14 Desember 2008.
2. Feiser and Feiser, Reagents for Organic Synthesis, Vol. 1, Wiley, New York, 1967, p. 703
3. Breck, D.W. J. Chem. Ed., 41, 678 (1964)

Eksterne skakels

• Sieves put a lid on greenhouse gas
• An Open Cycle Molecular Sieve Dehydration System. Geargiveer 10 Maart 2009 op Wayback Machine
• molecular sieve safety Geargiveer 16 Julie 2011 op Wayback Machine