Morgedal
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Morgedal | |
|---|---|
Dorp | |
  Morgedal | |
| Koördinate: 59°28′00″N 8°26′00″O / 59.46667°N 8.43333°O | |
| Land |  Noorweë |
| Fylke | Telemark |
| Kommune | Kviteseid |
| Tydsone | UTC+01:00 (MET) |
Morgedal is 'n nedersetting en landelike streek in die weste van die Noorse provinsie (fylke) Telemark met omstreeks 300 inwoners, sowat 32 km van Oslo af.
Bakermat van moderne skisport
[wysig | wysig bron]Morgedal staan as die bakermat van die moderne skisport bekend vanweë Sondre Nordheim, 'n skipionier wat hier in 1825 gebore is. In sy tyd was 'n paar ski's nog niks meer as twee lang, smal planke waarop die skoene met 'n riem vasgebind is nie. Nordheim het 'n klem uitgevind wat rondom die hakke vasgemaak is en het sodoende die tegniese basis vir die moderne Telemark-skisport geskep. In 1884 het Nordheim met sy gesin na Noord-Dakota in die Verenigde State geëmigreer.
Die Olimpiese Vlamme vir die Winterspele van 1952 in Oslo, die Winterspele van 1960 in Squaw Valley (Kalifornië) en die Winterspele van 1994 in Lillehammer is almal by Sondre Nordheim se geboortehuis Øvrebø aangesteek.
Die museum Norsk Skieventyr behandel die geskiedenis van die skisport wat meer as 4 000 jaar terugstrek.