Muhammad Ali

Muhammad Ali
Swaargewigbokskampioen van die wêreld
Swaargewigbokskampioen van die wêreld
’n Beeld van die betrokke persoonlikheid.
Muhammad Ali in 1967
Statistiek
Geboortenaam Cassius Marcellus Clay Jr.
Bynaam(e) The Greatest
The People's Champion
The Louisville Lip
Gewigklas Swaargewig
Lengte 1,91 m[1]
Armlengte 1,98 m
Nasionaliteit Vlag van Verenigde State van Amerika Verenigde State
Geboorte (1942-01-17)17 Januarie 1942
Louisville, Kentucky
Sterfte 3 Junie 2016 (op 74)
Scottsdale, Arizona
Houding Ortodoks
Boksrekord
Totale gevegte 61
Oorwinnings 56
Oorwinnings met uitklophou 37
Verloor 5
Gelykop 0
Geen wedstryd 0

Muhammad Ali (Louisville, Kentucky, 17 Januarie 1942 – Scottsdale, Arizona, 3 Junie 2016) was 'n Amerikaanse bokser en swaargewigwêreldkampioen. Hy is tot hede die enigste man wat die liniêre swaargewigkampioenskap drie keer (in 1964, 1974 en 1978) gewen het.[2] Ali was ook die wenner van die Olimpiese swaargewig goue medalje. Hy is in 1999 deur Sports Illustrated en die BBC as die "Sportman van die eeu" gekroon.[3]

Muhammad Ali in 2004

Ali was bekend vir sy vegstyl, wat hy beskryf het as "sweef soos 'n skoenlapper, steek soos 'n by".[4] Ali het 'n naam vir homself gemaak met sy vinnige hande en voete en sy tartende taktiek.

Uit 'n totaal van 61 gevegte het Ali 56 gewen, waarvan 37 deur uitklophoue.

Beknopte biografie

[wysig | wysig bron]

Ali is as Cassius Marcellus Clay Jr. gebore in Louisville, Kentucky. Hy is na sy vader genoem, wat weer na die 19de eeuse anti-slawerny-aktivis en politikus, Cassius Marcellus Clay, genoem is. Ali het sy naam verander ná hy in 1964 by die Nasie van Islam aangesluit het. In 1975 is hy tot Soenni Islam bekeer en daarna tot Soefi Islam.[5]

As gevolg van sy Islamitiese oortuigings, het Ali nie in die Viëtnamoorlog geveg toe die Amerikaanse Weermag hom probeer oproep het nie. Hy het hiervoor internasionaal bekend geword.

Ali het in 1981 uit boks getree. In die vroeë 1980's is hy met Parkinson se siekte gediagnoseer.[6] Hy was daarna vir sy maatskaplike en liefdadigheidswerk bekend.

Hy was vier keer getroud en het sewe dogters en twee seuns. Een van sy seuns is aangeneem.

Aantekeninge en verwysings

[wysig | wysig bron]
  1. ↑ "Cassius Clay". sports-reference.com (in Engels). Sports Reference LLC. Geargiveer vanaf die oorspronklike op 17 April 2020. Besoek op 5 Junie 2015.
  2. ↑ Die "liniêre" titel word erken deur 'n (amper) ononderbroke lyn van titelhouers oor die afgelope 100 jaar na te trek, waartydens byna elke kampioen die vorige titelhouer verslaan het.
  3. ↑ Ali crowned Sportsman of Century, by die BBC-nuuswerf.
  4. ↑ Engelse aanhaling: "Float like a butterfly, sting like a bee", "Muhammad Ali", by QuoteDB.
  5. ↑ Caldwell, Deborah. "Muhammad Ali's New Spiritual Quest" (in Engels). Beliefnet. Geargiveer vanaf die oorspronklike op 5 Oktober 2008. Besoek op 20 Mei 2008.
  6. ↑ Thomas Jr., Robert McG. (20 September 1984). "Change In Drug Helps Ali Improve". New York Times (in Engels). pp. D–29. Geargiveer vanaf die oorspronklike op 26 Junie 2019. Besoek op 9 Maart 2009.

Eksterne skakels

[wysig | wysig bron]