Myliobatidae

Myliobatidae
'n Spikkelarendrog (Aetobatus narinari).
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Klas:	Chondrichthyes
Subklas:	Elasmobranchii
Superorde:	Batoidea
Orde:	Rajiformes
Familie:	Myliobatidae Bonaparte, 1838
Genus
Sien teks.

Die Arendroê (Myliobatidae) is 'n familie van visse wat hoort tot die orde Rajiformes. Daar is vyf genera met twee en dertig spesies wat hoort tot dié familie en vyf van die spesies kom aan die Suid-Afrikaanse kus voor.

Kenmerke

Die kop, lyf en pektorale vinne vorm 'n geheel wat die vis 'n rombiese vorm gee. Die vis is wyer as wat hy lank is. Die oë en snoet is voor op die kop en steek uit waar die pektorale vinne begin. Die vis het 5 paar kieu splete aan die onderkant van die rombus. Die stert is kort en dun met 'n dorale vin by die basis. Die vis kan tot 2.3 m wyd raak en weeg dan 200 kg. Hulle verkies kuswater om in te leef en bly gewoonlik naby die bodem waar hulle kos soek soos skaaldiere en slakke. Die vis migreer saam in groot skole en is ovuvivipaar.

Genera

Die volgende genera en gepaardgaande spesies kom aan die Suid-Afrikaanse kus voor:

• Aetobatus

• Aetobatus narinari - Spikkelarendrog

• Myliobatis

• Myliobatis aquila - Arendrog

• Pteromylaeus

• Pteromylaeus bovinus - Bulrog

• Rhinoptera

• Rhinoptera javanica - Flapneus-rog

• 
  Spikkelarendrog
• 
  Arendrog
• 
  Bulrog

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7