Nathaniel James Merriman

Nathaniel James Merriman (1811 – 1882) was 'n Anglikaanse biskop van Grahamstad. Hy is in 1811 in Londen gebore. Toe hy tot die bediening toetree, het hy eers in Lancashire gewerk waar hy 'n goeie vriend van W.E. Gladstone geword het. Hy werk later in Street, Somerset waar sy seun John X. Merriman gebore is. Hy arriveer in 1848 in die Kaapkolonie as Aartsdeken van Grahamstad. Hy doen 'n tyd lank sendingwerk en word deur die land bekend vir sy lang staptogte. In die geskil met biskop Colenso het hy hom by biskop Gray geskaar. In 1871 word hy aangestel as biskop van Grahamstad. Hy bly daar tot sy dood in 1882.

Bron

• Ensiklopedie van Suidelike Afrika, Eric Rosenthal, 1967.