Nelsonrivier
| Nelsonrivier | |
|---|---|
 | |
 Die stroomgebied van die Nelsonrivier. | |
| Oorsprong | Winnipegmeer (Manitoba, Kanada) |
| Monding | Manitoba, Kanada Hudsonbaai |
| Stroomgebied | Manitoba (Kanada) |
| Lengte | 644 km (400 myl)[1] |
| Oorspronghoogte | 217 m (712 vt) |
| Mondinghoogte | 0 m (0 vt) |
| Gemiddelde afloop | 2 370 m³/s (84 000 vt³/s) |
| Stroomgebiedopp. | 1 072 300 km² (414 000 myl²) |
 Kaart van die Nelsonrivier-bekken in Noord-Amerika.
| |
Die Nelsonrivier (Engels: Nelson River; Frans: Fleuve Nelson) is 'n groot noordoos-vloeiende rivier in Kanada. Die Nelsonrivier het 'n lengte van 644 km en vloei deur die Kanadese provinsie Manitoba. Die rivier dreineer die Winnipegmeer en vloei vir sowat 644 km voordat dit in die Hudsonbaai uitmond. Sy volle lengte (insluitende die Saskatchewanrivier en Bowrivier) is 2 575 km, sy gemiddelde afloop beloop 2 370 m³/s en sy stroomgebied streek oor sowat 1 072 300 km², waarvan 180 000 km² in die Verenigde State.[2]
Die Nelsonrivier ontspring in die Winnipegmeer in Manitoba en vloei in 'n noordoostelike rigting, voordat dit in die Hudsonbaai uitmond. Aan die monding van die Nelsonrivier het vanaf 1912 tot 1918 die hawedorp Port Nelson bestaan, maar dit is intussen verlate en nou 'n spookdorp.
Sedert 1977 word sowat 60% van die parallel vloeiende Churchillrivier se water in die Nelsonrivier omgelei – sowat 760 m³/s. Die gemiddelde afloop aan die Nelsonrivier se monding het as gevolg van die hidro-elektriese projek van voorheen 2 370 m³/s tot nou 3 130 m³/s gestyg.
Die Nelsonrivier het sy naam aan die Engelse ontdekkingsreisiger Thomas Button, wat in 1612 aan sy monding oorwinter het, te danke. Hy het die rivier na Robert Nelson, 'n seevaarder wat daar dood is, genoem. Om beheer oor die Nelsonrivier is tydens die koloniale tydperk geveg, aangesien dit 'n belangrike vervoerpad in die pelshandel van die streek was.
Verwysings
[wysig | wysig bron]- ↑ (en) "Principal rivers and their tributaries". Statistiek Kanada. Februarie 2, 2005. Geargiveer vanaf die oorspronklike op 6 September 2006. Besoek op 13 Januarie 2010.
{{cite web}}:|archive-date=/|archive-url=timestamp mismatch (hulp) - ↑ (en) Atlas of Canada Geargiveer 20 Mei 2006 op Wayback Machine
Eksterne skakels
[wysig | wysig bron]
Wikimedia Commons het meer media in die kategorie Nelsonrivier.- (en) "Nelson River". Encyclopædia Britannica. Besoek op 12 Augustus 2020.
- (en) "Nelson River". The Canadian Encyclopedia. Besoek op 12 Augustus 2020.
