Neutronium

Neutronium (soms verkort tot neutrium^[1]) is ’n voorgestelde naam vir materiaal wat slegs uit neutrone bestaan. Die woord is in 1926 (voor die ontdekking van die neutron) deur die wetenskaplike Andreas von Antropoff uitgedink vir ’n veronderstelde element met ’n atoomgetal 0 wat hy boaan die periodieke tabel geplaas het.^[2][3] Die betekenis van die woord het mettertyd verander en sedert die laaste helfte van die 20ste eeu word dit in niewetenskaplike geskrifte gebruik om te verwys na uiters digte stowwe soos in die kern van ’n neutronster.

Wetenskaplike publikasies gebruik dit selde omdat daar verskillende definisies van "neutronium" bestaan en daar taamlike onsekerheid is oor die samestelling van die kerns van neutronsterre.

Verwysings

1. "Neutrium: The Most Neutral Hypothetical State of Matter Ever". io9.com (in Engels). 2012. Geargiveer vanaf die oorspronklike op 12 November 2014. Besoek op 11 Februarie 2013.
2. von Antropoff, A. (1926). "Eine neue Form des periodischen Systems der Elementen". Zeitschrift für Angewandte Chemie. 39 (23): 722–725. doi:10.1002/ange.19260392303. Geargiveer vanaf die oorspronklike (pdf) op 2 Mei 2020. Besoek op 13 November 2016.
3. Stewart, P. J. (2007). "A century on from Dmitrii Mendeleev: Tables and spirals, noble gases and Nobel prizes". Foundations of Chemistry. 9 (3): 235–245. doi:10.1007/s10698-007-9038-x.

• Hierdie artikel is vertaal uit die Engelse Wikipedia