Nieuport 11
| Nieuport 11 | |
|---|---|
 | |
| Tipe | Vegvliegtuig |
| Vervaardiger | Nieuport |
| Ontwerp deur | Gustave Delage |
| Nooiensvlug | Vroeg 1915 |
| Bekendstelling | 5 Januarie 1916 |
| Hoofgebruikers | Franse Lugmag Italiaanse Lugmag Russiese Lugmag |
Die Nieuport 11 was 'n Franse vegvliegtuig wat gedurende 1915 in diens gestel was tydens die Eerste Wêreldoorlog. Dit het 'n einde gemaak aan die Duitse oorheersing van die lugruim, die sogenaamde Fokkerplaag. Die Nieuport 11 was ontwikkel vanaf die 1914 Bébé, 'n vliegtuig wat ontwerp was vir wedrenne. Die militêre weergawe het die bynaam behou. Die Nieuport 11 het die wesfront bereik in die somer van 1915 waar dit deur die Franse gebruik is asook in die Dardanelle waar dit dit deur die Britse Magte gebruik is. In die hande van 'n vaardige vlieënier het die vliegtuig die Fokker Eindecker oortref; dit was viniger en kon beter klim as die Eindecker. Die vliegtuig was aangedryf deur 'n Gnome of Le Rhône enjin van 80 perdekrag. Die Nieuport 11 se enigste swakpunt was dat die vlerke kon afskeur in vlug tydens duikvlugte.
Dit was toegerus met een Hotchkiss of Lewismasjiengeweer. Dit kon ook toegerus word met agt vuurpyle om lugballone af te skiet. Die vliegtuig was vervaardig in Rusland, Spanje en Nederland.
Tegniese besonderhede
[wysig | wysig bron]| Item | Statistiek |
|---|---|
| Aantal motors | 1 |
| Tipe motor | Skroef |
| Vervaardiger | Le Rhône 9C suierenjin |
| Kraglewering per motor | 80 perdekrag |
| Vlerkspan | 7,55 m |
| Lengte | 5,8 m |
| Hoogte | 2,45 m |
| Vlerkoppervlakte | 13,0 m2 |
| Maksimum opstygmassa | 480 kg |
| Maksimum snelheid | 155 km/h |
| Operasionele hoogte | 4 500 m |
| Uithouvermoë | 2 uur en 30 minute |
| Klimvermoë | 200 m per minuut |
| Bewapening | Een 7,7 mm Lewismasjiengeweer. |
Sien ook
[wysig | wysig bron]Bron
[wysig | wysig bron]- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9