Nikkelhidroksied

Eienskappe

Algemeen
Naam	Nikkelhidroksied
Struktuurformule van
Chemiese formule	Ni(OH)2
Molêre massa	92,708 [g/mol] [1]
CAS-nommer	11113-74-9[1]
Voorkoms	groen poeier[1]
Fasegedrag
Fase	β-Ni(OH)2
Selkonstantes	a=311pm; c=462pm[2]
Ruimtegroep	P3m1
Nommer	164
Strukturbericht	C6
Fase	α-Ni(OH)2
Selkonstantes	ah=307pm; ch=2320pm; γ=120°[2]
Ruimtegroep	R3m
Nommer	166
Smeltpunt	230 °C [1]
Kookpunt
Digtheid	4,1 [g/cm^3][1]
Oplosbaarheid	Sleg oplosbaar[1]
Ksp	5,48 x 10-^16[3]
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Nikkelhidroksied is 'n basis van nikkel met formule Ni(OH)₂.

Kristalstruktuur

β-Ni(OH)₂ kristalliseer in die gelaagde trigonale kadmiumjodied-struktuur (oftewel die brusiet-stuktuur) wat die C6-struktuur van die strukturbericht-klassifikasie is.^[2]

α-Ni(OH)₂ kristalliseer in 'n romboëdriese (trigonale) struktuur met 'n langer c-as wat 'n andere pakmodus besit. Dit is ook 'n gelaagde struktuur met dieselfde rand-delende oktaëdriese lae as β-Ni(OH)₂. As gevolg van die relatief swak interaksies tussen die lae, kan spesies tussen die lae geïnterkaleer word, wat lei tot 'n verlenging van die c-as van die eenheidsel. Dit kan ook veroorsaak dat die lae uit belyning gly en lukraak relatief tot mekaar oriënteer. Dit kan lei tot 'n struktuur wat dikwels as turbostraties beskryf word.^[2]

Daar is verskeie wanordelike strukture gerapporteer vir gelaagde nikkelhidroksiede insluitend dié met stapelfoute en versteuring van die fase-interstratifikasie.^[2]

Chemiese eienskappe

Nikkelhidroksied kan as neerslag verkry word deur aan 'n oplossing van nikkelnitraat 'n oplossing van kaliumhidroksied by te voeg. As dit teen hoër temperature uitgevoer word of die neerslag aan langer verouderingstye blootgestel word, word die β-vorm verkry. Laer temperature en korter tye lewer 'n produk wat meer wanorde en 'n slegter kristaliniteit besit. ^[2]

Die amorfe neerslag bevat baie water en die α-modifikasie kan as 'n hidraat Ni(OH)₂·xH₂O beskou word met geïnterkaleerde watermolekules wat die afstand tussen die nikkellae vergroot. Die teenwoordigheid van ione soos karbonaat stabiliseer die α-struktuur.^[4]

Elektrochemiese oksidasie lei tot die vorming van die bruiswart oksiedhidroksied NiOOH wat nikkel is sy +3 oksidasietoestand bevat:^[4]

${\displaystyle Ni(OH)_{2}\rightarrow H^{+}+1e^{-}+NiOOH}$

of, in basiese oplossings:

${\displaystyle Ni(OH)_{2}+OH^{-}\rightarrow H_{2}O+1e^{-}+NiOOH}$

Die interkalasieprosesse staan toe dat hierdie reaksie binne die vaste nikkelhidroksiedelektrodes plaasvind.^[4]

Gebruike

Nikkelhidroksied is een van die komponente van die nikkelkadmiumbattery

Verwysings

1. "Nickel hydroxide". PubChem NIH.
2. Kurt Lawson, Samuel P. Wallbridge , Amy E. Catling, Caroline A. Kirk, Sandra E. Dann (2023). "Determination of layered nickel hydroxide phases in materials disordered by stacking faults and interstratification". J. Mater. Chem. A. 11: 789–799. doi:10.1039/D2TA07655A.
3. "Ksp list". solubilityof things.
4. Vadym Kovalenko, Valerii Kotok (2024). "NickelHydroxides:Requirements,Targeted Construction and Choice of Characteristics and Industrially Applicable Synthesis for Targeted Use in Electrochemical Devices". ChemistrySelect. 9: e20230330.