Noorse boskat

Noorse boskat
Alternatiewe naam  Skogkatt
Land  Noorweë
Ontstaan  Natuurlik
Pels  Lank
Patroon  Alle behalwe kleurpunte
Wetenskaplike naam
Felis catus (huiskat)
Portaal  Portaalicoon   Katte

Die Noorse boskat (Noors: Norsk skogkatt; Engels: Norwegian Forest Cat) is ’n langharige katras inheems aan Noord-Europa.

Geskiedenis

[wysig | wysig bron]
’n Swart Noorse boskat.

Die Noorse boskat is aangepas om te oorleef in die koue weer van Noorweë.[1][2] Hy kan moontlik afstam van swart en wit korthaarkatte wat ná 1 000 nC deur Wikings van Brittanje gebring is en langhaarkatte wat deur die Kruisvaarders gebring is. Hierdie katte kon met plaas- en wilde katte gepaar het en moontlik so in die moderne Noorse boskat ontwikkel het.[3][4][5]

Die Siberiese kat en Turkse angora, langhaarkatte van onderskeidelik Rusland en Turkye, kan ook voorvaders van die ras wees.[3] Noorse legendes verwys na die "Skogkatt" as ’n sprokiekat wat in die berge woon en hoë kranse kan uitklim.[6] Aangesien die Noorse boskat ’n baie goeie klimmer is,[7] glo die skrywer Claire Bessant dat die Skogkatt die Noorse boskat kan wees.[6] Omdat hulle goeie jagters is, is hulle later op Noorse plase gebruik.

In 1938 is die eerste klub vir die Noorse boskat gestig. Hul beweging om die ras te bewaar is in die Tweede Wêreldoorlog onderbreek en amper in die wiele gery toe die kat byna uitgewis is weens teling met ander langhaarkatte. Aangesien die kat eers in die 1970's van Noorweë na ander dele van Europa versprei het, is dit toe eers deur die Europese vereniging Fédération Internationale Féline geregistreer. In 1989 is dit in Brittanje as ’n ras erken[8] en eers in 1994 deur die Amerikaanse Cat Fanciers' Association.[9]

Beskrywing

[wysig | wysig bron]

Die kat se pels is aangepas by baie koue toestande. Die boonste laag bestaan uit lang, blink hare wat water uithou en ’n wollerige onderlaag vir isolasie.[6] Dit is ’n groot, sterk kat – baie soos die Maine Coon – met lang bene, ’n wollerige stert en stewige lyf. Hulle het sterk pote en kan dus goed klim.

Die oë is amandelvormig en sit skuins. Dit kan enige kleur wees.[6][10] Alle pelskleure word aanvaar buiten sjokoladebruin, lila, vaalbruin en kaneel.[11]

Sien ook

[wysig | wysig bron]

Verwysings

[wysig | wysig bron]
  1. ↑ "Accueil – chat norvegien – chat des forets norvegiennes" (in Frans). Kogkatt-norvegien.org. Geargiveer vanaf die oorspronklike op 7 Desember 2014. Besoek op 5 Maart 2011. D'un aspect mi-chat, mi-lynx. Contrairement à d'autres races, le "Norvégien" n'est pas le résultat d'une reproduction planifiée mais la conséquence de l'évolution d'un chat placé dans des conditions de survie particulièrement difficiles: le rigoureux climat de la Norvège.
  2. ↑ Rousselet-Blanc, Pie (1992). Encyclopedie Active Le Cha. Larousse Kingfisher Chambers. p. 174. ISBN 2035174023.
  3. ↑ 3,0 3,1 Richards, James (1999). ASPCA Complete Guide to Cats: Everything You Need to Know About Choosing and Caring for Your Pet. San Francisco: Chronicle Books. pp. 128–129. ISBN 978-0-8118-1929-9.
  4. ↑ Case, Linda (2003). The Cat: Its Behavior, Nutrition and Health (1 uitg.). Ames, Iowa: Wiley-Blackwell. p. 26. ISBN 978-0-8138-0331-9.
  5. ↑ Taylor, David (1989). Ultimate Cat Book: A Unique Photographic Guide to More Than 100 International Breeds and Variations (1 uitg.). New York: Simon & Schuster. pp. 76–77. ISBN 978-0-671-68649-9.
  6. ↑ 6,0 6,1 6,2 6,3 Bessant, Claire; Cutts, Paddy (1999). The Complete Guide to the Cat (Complete Animal Guides) (1 uitg.). Hauppauge, New York: Barron's Educational Series. p. 181. ISBN 978-0-7641-5203-0.
  7. ↑ Caravan, Jill (1998). An Identification Guide to Cat Breeds. Hertfordshire: Eagle Editions. pp. 88–89. ISBN 978-1-902328-00-3.
  8. ↑ McGreevy, Paul (2002). Cats (Home Reference Library). San Francisco: Fog City Press. p. 249. ISBN 978-1-876778-75-0.
  9. ↑ Kristen Hampshire, Iris Bass, Lori Paximadis (2009). Cat Lover's Daily Companion: 365 Days of Insight and Guidance for Living a Joyful Life with Your Cat (1 uitg.). Beverly, Mass.: Quarry Books. ISBN 978-1-59253-591-0.{{cite book}}: AS1-onderhoud: meer as een naam (link)
  10. ↑ Norwegian Forest Breed Standard Geargiveer 28 Julie 2011 op Wayback Machine. The International Cat Association. 1 Mei 2004. URL besoek op 26 Maart 2011.
  11. ↑ Rousselet-Blanc, Pie (1992). Hardeband (red.). Encyclopedie Active Le Chat (in French). New York: Larousse Kingfisher Chambers. p. 175. ISBN 9782035174024.{{cite book}}: AS1-onderhoud: onerkende taal (link)

Eksterne skakels

[wysig | wysig bron]