Nuwe Moskee
| Nuwe Moskee | ||
| ||
| Die Nuwe Moskee soos gesien vanaf die Galata-brug. | ||
| Ligging | Istanboel, Turkye | |
| Voltooi | 1665 | |
| Argitek(te ) | Davut Ağa, Dalgıç Ahmed Çavuş, Mustafa Ağa | |
| Spesifikasies | ||
| Minaret(te) | 2 | |
| Minarethoogte | 52 m | |
| Koepeldeursnee | 17,5 m | |
| Materiale | gekapte klip, graniet, marmer | |
| Styl | Ottomaans | |
Die Yeni-moskee, Nuwe Moskee of Moskee van die Valide Sultan (Turks: Yeni Cami of Yeni Valide Camii) is ’n Ottomaanse keiserlike moskee in die Eminönü-distrik van Istanboel, Turkye. Dit is aan die Goue Horing geleë aan die suidpunt van die Galata-brug. Dit is een van die stad se bekendste bakens.
Geskiedenis
[wysig | wysig bron]
Bouwerk aan die moskee het in 1597 begin op bevel van Safiye Sultan, die vrou van sultan Murat III. Die oorspronklike argitek was Davut Aga, ’n leerling van die groot Mimar Sinan. Davut Aga is egter in 1599 dood en is vervang met Dalgic Ahmed Cavus.
Die projek is aan bande gelê deur politieke ontevredenheid en die ligging en geldelike implikasies het gelei tot ontevredenheid in die hof. Die Eminönü-buurt was die stad se voorste handelsentrum en die tuiste van ’n hoofsaaklik Joodse gemeenskap. Deur die moskee daar te plaas, het Safiye Sultan gehoop om die Islamitiese invloedsfeer uit te brei en voordeel te trek uit die groeiende ontevredenheid onder plaaslike en oorsese handelaars oor die toenemende mag en invloed van hul Joodse eweknieë. Die hoë koste van die projek het egter groot kritiek ontlok. Safiye Sultan moes die projek noodgedwonge laat vaar ná Murat III se dood. Die nuwe sultan, Ahmet I, het nie daarin belanggestel nie en bouwerk is laat vaar.
Die onvoltooide gebou het verval en is in 1660 grootliks deur ’n brand verwoes. Later dié jaar het die argitek Mustafa Aga voorgestel dat Valide Turhan Hadice, die ma van Mehmet IV, die projek voltooi as ’n godsdiensdaad. Die moskee is eindelik in 1663 voltooi en in 1665 ingewy.
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:New Mosque (Istanbul)
Eksterne skakels
[wysig | wysig bron] |
Wikimedia Commons bevat media in verband met New Mosque (Istanbul). |
- Geskiedenis van die moskee Geargiveer 14 Mei 2009 op Wayback Machine
- 360°-uitsig van die moskee[dooie skakel]
- Turkey Travel Planner – Inligting oor die moskee