Okakarara

Okakarara is 'n dorp in die Otjozondjupa streek, Namibië, en is 50 kilometer suidoos van die Waterberg Nasionale Park geleë.[1] Die dorp het 'n inwonertal van 7,000 en dit groei jaarliks teen 'n tempo van 1500.

Okakarara het verskillende woongebiede soos Pamue, voorheen net vir blanke inwoners, en die ware Okakarara wat eens swart woongebiede was. Dit is die hoofdorp van die Okakarara kiesafdeling en dit sluit die omliggende nedersettings in.

Geskiedenis

[wysig | wysig bron]

Die eerste huis is in 1923 in die omgewing deur Salathiel Kambamba Kambazembi en Reinard Tjerije gebou. Die nedersetting het gegroei en in 1992 dorpstatus verwerf.[2] In die begin van 1970 het Okakarara die middelpunt van die Ovaherero–stamowerheid geword.

Ekonomie en Infrastruktuur

[wysig | wysig bron]
'n Vetkoek verkopster in Okakarara.

Die dorp het laer- en hoërskole, 'n tegniese opleidingsentrum, en 'n staatshospitaal.

Sedert 2007 word die Okakarara handelskou hier aangebied. Hierdie vierdag aangeleentheid bied die geleentheid aan kommunale boere om hul diere te skou en om idees uit te ruil oor hoe om hul boerdery metodes te verbeter en te bevorder. Hierdie inisiatief het daartoe gelei dat 'n handelskousentrum opgerig is, die SME park.[2]

Politiek

[wysig | wysig bron]

Plaaslike verkiesings

[wysig | wysig bron]

Die dorpsraad het sewe setels.[3] Okakarara was gedurende die Apartheid-era deel van 'n tuisland naamlik Hereroland. Steeds is die meerderheid inwoners Ovaherero's. Dit is een van die redes waarom Okakarara een van die min dorpe in Namibië is waar die dominanate politieke party SWAPO, ernstige teenstand kry. In die 2004 Namibiese parlementere verkiesing het SWAPO tweede gekom, en die algemeen Ovaherero gesteunde party National Unity Democratic Organisation (NUDO) het gewen. Vanweë die ongewone koalisie tussen SWAPO en die Demokratiese Turnhalle Aliansie was die verkose burgemeester Ehrnst Katjiku by SWAPO geaffilieer. In die 2015 plaalike verkiesing het NUDO weer gewen en drie setels bekom, met 842 stemme. SWAPO het tweede gekom met 538 stemme en het twee setels gekry. Die DTA het 483 stemme gekry met twee setels.[4] NUDO het ook die 2020 plaaslike owerheidsverkiesing gewen. Nudo het 642 stemme gekry en twee setels. Die volgende partye het ook elk twee setels gewen Popular Democratic Movement (PDM, die nuwe naam van die DTA) met 535 stemme and SWAPO met 375 stemme. Die oorblywende setel is gewen deur Landless People's Movement (LPM, 'n opposisie party wat in 2016 gestig is), met 365 stemme.[5]

Burgemeesters

[wysig | wysig bron]
  • 2010 – 2012 MZ Tjiho (DTA)
  • 2013 – 2015 John Viakondo
  • 2016 – 2018 Olga Tjiurutue (PDM)
  • 2018 – huidige Veundjua Kamutuezu

Suster dorpe

[wysig | wysig bron]

Okakarara het die volgende suster's dorpe:[2]

Belangrike inwoners

[wysig | wysig bron]
  • Zedekia Ngavirue, diplomaat[6]
  • Ngarikutuke Tjiriange, voormalige Minister van Justisie

In populêre kultuur

[wysig | wysig bron]

Okakarara was die plek vir die "ECACL conference" wat Ann Taylor bygewoon het in the 1989 film The Gods Must Be Crazy II.[7]

Verwysings

[wysig | wysig bron]
  1. ↑ Okakarara namibia
  2. ↑ 2,0 2,1 2,2 Goreseb, Lesley G (September 2009). "Okakarara Town Council". Supplement to several Namibian newspapers.
  3. ↑ "Know Your Local Authority". Election Watch. No. 3. Institute for Public Policy Research. 2015. p. 4.
  4. ↑ "Local elections results". Electoral Commission of Namibia. 28 November 2015. p. 7. Geargiveer vanaf die oorspronklike op 10 Desember 2015.
  5. ↑ "Publication of results and particulars in respect of general elections for local authority councils: Electoral Act, 2014" (pdf). No. 7497. Government of Namibia. 1 April 2021. p. 19. {{cite news}}: Text "newspaper Government Gazette of the Republic of Namibia" ignored (hulp)
  6. ↑ Dierks, Klaus. "Biographies of Namibian Personalities, N". www.klausdierks.com. Besoek op 25 Mei 2021.
  7. ↑ "Script from film The Gods Must Be Crazy II".