Olomouc
|
| |
|---|---|
| Kaart | Vlag |
 | |
 | |
| Wapen | |
 | |
| Land |  Tsjeggië
|
| Streek |  Olomoucký kraj
|
| Koördinate | 49°35′46″N 17°15′37″O / 49.59611°N 17.26028°O |
| Stigting (eerste verwysing) | 1017 |
| Oppervlakte: | |
| - Totaal | 103,36 vk km |
| Hoogte bo seevlak | 219 m |
| Bevolking: | |
| - Totaal (2017) | 100 378 |
| - Bevolkingsdigtheid | 971,1/km² |
| - Metropolitaanse gebied | |
| Tydsone | UTC +01:00 |
| Burgemeester | Antonín Staněk (ČSSD) |
Olomouc ([ˈolomou̯t͡s], Duits: Olmütz) is die sesde grootste stad van Tsjeggië en die setel van die administratiewe streek Olomoucký kraj, die tweede oudste universiteit, een van die land se twee hooggeregshowe en die Rooms-Katolieke aartsbisdom Olomouc. Tot 1641 was Olomouc die hoofstad van Morawië met 'n bevolking wat tot 1945 merendeels Duitssprekend was.[1] Dit is tans 'n belangrike administratiewe, kulturele en handelsentrum in die ooste van die Tsjeggiese Republiek.
Olomouc het sy eerste bloeitydperk onder biskop Bruno von Schauenberg beleef, die belangrikste politieke raadgewer van koning Wenceslaus I en Přemysl Otakar II. Die Hongaarse koning Matthias Corvinus, wat Morawië in 1468 verower het, het homself op 3 Mei 1490 in Olomouc se Metropolitaankerk tot koning van Boheme laat kroon.
Die Tweede bloeitydperk het met die Teenreformasie gekom. In 1566 is 'n Jesuïete-akademie in Olomouc gevestig wat elf jaar later tot 'n universiteit verhef is. Vanaf 1855 is hierdie tersiêre instelling egter beperk tot 'n teologiese fakulteit, en eers in 1946 het dit sy vroeëre status as universiteit herwin.
Verwysings
[wysig | wysig bron]- ↑ Friedrich Prinz (red.): Deutsche Geschichte im Osten Europas - Böhmen und Mähren. Berlin: Siedler 2002, bl. 103
