Oorbietjie

Oorbietjie
'n Ooi
Wetenskaplike klassifikasie
Koninkryk:
Animalia
Filum:
Chordata
Klas:
Mammalia
Orde:
Artiodactyla
Familie:
Bovidae
Genus:
Ourebia
Spesie:
O. ourebi
Binomiale naam
Ourebia ourebi
Subspesies

Ourebia ourebi aequatoria
Ourebia ourebi cottoni
Ourebia ourebi dorcas
Ourebia ourebi gallarum
Ourebia ourebi goslingi
Ourebia ourebi haggardi
Ourebia ourebi hastata
Ourebia ourebi kenyae
Ourebia ourebi montana
Ourebia ourebi ourebi
Ourebia ourebi quadriscopa
Ourebia ourebi rutila
Ourebia ourebi ugandae

Verspreiding van die spesies

Die oorbietjie (Ourebia ourebi) is 'n wildsbok wat plek-plek in Oos-, Sentraal- en Suider-Afrika aangetref word.

Volwasse oorbietjies het 'n gemiddelde massa van 20 kg, 'n hoogte van ongeveer 65 cm en 'n lengte tussen 92 en 110 cm. Die ramme het twee reguit horings wat tot 19 cm lank kan word. Oorbietjies het 'n sy-agtige, geel tot rooibruin pels met wit onderkante en 'n swart stertjie. Hulle het 'n kenmerkende wit streep bokant hulle oë en 'n donker vlek onder elke oor.

Oorbietjies paar dwarsdeur die jaar, alhoewel 'n spitstyd in Oktober en November bereik word. Mannetjies is territoriaal en deel hulle gebiede met een of twee wyfies. Die ooi is ongeveer 7 maande dragtig, waarna sy die lewe aan 'n enkele lammetjie skenk. Ooie is reeds so jonk as 10 maande geslagsryp, terwyl ramme teen 14 maande geslagsryp is. Oorbietjies het 'n moontlike lewensduur van ongeveer 13,5 jaar.

Die oorbietjie se dieet bestaan uit gras, maar dikwels ook blare wanneer vars gras nie tydens droogtes beskikbaar is nie.

Hierdie bokke se natuurlike vyande is luiperds, rooikatte en luislange. Hulle lammetjies word ook deur jakkalse, wildekatte, ratels, bobbejane, arende en likkewane gevang. Oorbietjies word ook deur mense gejag. Hulle kan skade aan boere se landerye berokken wanneer die gewasse deel van hul dieet uitmaak.

Sien ook

[wysig | wysig bron]

Bronnelys

[wysig | wysig bron]
  • Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
  • Frey, D. 2000. "Ourebia ourebi", Animal Diversity Web. Verkry op 26 April 2009 by [1].

Verwysings

[wysig | wysig bron]
  1. ↑ IUCN SSC Antelope Specialist Group (2008). Ourebia ourebi. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 29 Maart 2009.

Eksterne skakels

[wysig | wysig bron]