Pacaltsdorp

Pacaltsdorp
Kerk op Pacaltsdorp
Pacaltsdorp  Pacaltsdorp se ligging in Wes-Kaap
Koördinate: 34°1′S 22°27′O / 34.017°S 22.450°O / -34.017; 22.450
Land	Suid-Afrika
Provinsie	Wes-Kaap
Distrik	Tuinroete
Munisipaliteit	George
Oppervlak [1]
• Totaal	10,19 km^2 (3,93 vk. myl)
Bevolking  (2011)[1]
• Totaal	16 400
• Digtheid	1 609/km^2 (4 170/vk. myl)
Rasverdeling (2011) [1]
• Wit mense	0.7%
• Indiërs/Asiërs	0.6%
• Swart mense	4.7%
• Ander	0.7%
Taal (2011) [1]
• Afrikaans	92.2%
• Engels	4.4%
• Xhosa	1.7%
• Ander	1.7%
Skakelkode	044

Pacaltsdorp is 'n voorstad van George, Wes Kaap. In die Apartheidsera is dit die bruinwoonbuurt wat met George geassosieer, maar onafhanklik geadministreer is. Die N2 nasionale pad gaan daardeur. Die dorpie het ontstaan uit 'n sendingstasie wat hier begin is in 1813 deur eerwaarde Carl August Pacalt van Duitse oorsprong. Die dorp is na hom vernoem uit erkenning van sy werk in die gemeenskap.

Wapens

Munisipaliteit (1) — Die dorpsraad se eerste wapen was : In vier gedeeld, die snylyn golwend, I in goud 'n rooi toring; II in groen 'n aronskelk van natuurlike kleur; III in groen twee akkers op 'n enkele tak van natuurlike kleur; IV in goud 'n suikerbekkie sittend op 'n tak van natuurlike kleur; die skild oortop met 'n rooi muurkroon. Aan weerskante van die skild was twee groen blare. Die wapenspreuk was "Vigilate". Raadslid Andy Lamont het die wapen ontwerp.

Munisipaliteit (2) — 'n Nuwe wapen is in 1990 by die Buro vir Heraldiek geregistreer : Gewelfd deursnede, groen en silwer, in die skildhoof drie akkers aan 'n enkele geblaarde stingel, alles goud, in die skildvoet 'n kortbeksuikerbekkie van natuurlike kleur, sittend op 'n rooi tak. Die helmteken was 'n groen muurkroon. Die wapenspreuk het "Vigilate" gebly.^[2]

Sien ook

• Lys van dorpe in Suid-Afrika

Verwysings

1. "Subplek Pacaltsdorp". Sensus 2011.
2. National Archives of South Africa: Data of the Bureau of Heraldry.

• Op Pad in Suid-Afrika. B.P.J. Erasmus. 1995 ISBN 1-86842-026-4