Partenogenese

Die aseksuele, geheel en al vroulike akkedisspesie Cnemidophorus neomexicanus (middel), wat deur partenogenese voortplant, saam met twee seksuele spesies wat ook mannetjies het, C. inornatus (links) en C. tigris.

Partenogenese (van die Griekse woorde παρθένος parthenos, "maagd", en γένεσις genesis, "skepping") is ’n natuurlike vorm van aseksuele voortplanting waar die embrio groei en ontwikkel sonder dat bevrugting plaasgevind het. Dit woord ook maagdelike voortplanting genoem.

By diere beteken partenogenese die ontwikkeling van ’n embrio uit ’n onbevrugte eiersel. By plante word dit apomiksie genoem.

Partenogenese kom natuurlik voor by baie plante, sommige ongewerwelde dierspesies (insluitende rondewurms, watervlooie, sommige skerpioene, plantluise, sommige myte, sommige bye en sommige perdebye) en ’n paar gewerweldes (soos sommige visse,[1] amfibieë, reptiele[2][3] en enkele voëls.[4])

Verwysings

[wysig | wysig bron]
  1. ↑ "Female Sharks Can Reproduce Alone, Researchers Find", Washington Post, 23 Mei 2007; bl. A02
  2. ↑ Halliday, Tim R. (1986). Kraig Adler (red.). Reptiles & Amphibians. Torstar Books. p. 101. ISBN 0-920269-81-8.
  3. ↑ Walker, Brian (11 November 2010). "Scientists discover unknown lizard species at lunch buffet". CNN (in Engels). Geargiveer vanaf die oorspronklike op 16 Januarie 2020. Besoek op 11 November 2010.
  4. ↑ Savage, Thomas F. (12 September 2005). "A Guide to the Recognition of Parthenogenesis in Incubated Turkey Eggs". Oregon State University (in Engels). Geargiveer vanaf die oorspronklike op 20 Februarie 2019. Besoek op 11 Oktober 2006.

Eksterne skakels

[wysig | wysig bron]